डाॅ. विवेक क्षीरसागर यांच्या पुस्तकाची पंतप्रधानांनी घेतली दखल

डॉ. विवेक क्षीरसागर यांनी आपल्या ‘व्हिक्टरी ओव्हर द आॅब्स्टॅकल्स’ या इंग्रजी भाषेतील पुस्तकाची प्रत पंतप्रधान कार्यालयाला पाठवली होती. त्याला पत्राद्वारे उत्तर देताना पंतप्रधान नरेंद्र मोदी यांनी लिहिले आहे की, ‘‘आपण स्वतः आपले अनुभव आणि विचार लिहून काढण्यासाठी जे अथक परिश्रम घेतलेत ते कौतुकास्पद आहेत. आपल्या देशातील साधुसंत आणि विचारवंतांनी जपलेल्या नीतीमूल्य परंपरेचा समृद्ध वारसा, या पुस्तकाच्या माध्यमातून नवीन पिढीकडे हस्तांतरित करण्यासाठी आपण सदैव कार्यरत आहात. आपण भविष्यात जे कार्य हाती घ्याल त्यासाठी मी आपले अभिष्टचिंतन करतो.’’

डॉ. विवेक क्षीरसागर यांनी बी.व्ही.एससी अँण्ड ए.एच, एम.व्ही.एससी (मेडिसीन), एम. बी. एम., ए. जी. डी. सी. अँण्ड ए, एलएलबी या पदव्या तसेच वाणिज्य आणि व्यवस्थापन विषयातील पीएचडी पदवी प्राप्त केली आहे. दुग्धव्यवसायामधील तज्ज्ञ अशी त्यांची ख्याती असून त्यांची अनेक पुस्तके प्रकाशित झाली आहेत.

---------------

फोटो - डॉ. विवेक क्षीरसागर