पावसाळ्यात वाहने जपून चालवा! पुणे-नाशिक महामार्गावर दुचाकी घसरून दुचाकीस्वाराचा मृत्यू

ही घटना १६ जून रोजी रात्री आठ वाजताच्या सुमारास पुणे नाशिक महामार्गावर भोसरी येथे घडली....

पिंपरी : पावसात दुचाकी घसरल्याने दुचाकीस्वाराचा मृत्यू झाला. ही घटना १६ जून रोजी रात्री आठ वाजताच्या सुमारास पुणे नाशिक महामार्गावर भोसरी येथे घडली.

संतोष अरविंद ओव्हाळ (वय ३६, रा. बोपोडी) असे मृत्यू झालेल्या दुचाकीस्वाराचे नाव आहे. याप्रकरणी संतोष यांचे भाऊ गणेश ओव्हाळ यांनी भोसरी पोलिस ठाण्यात फिर्याद दिली आहे.

पोलिसांनी दिलेल्या माहितीनुसार, १६ जून रोजी रात्री आठच्या सुमारास संतोष ओव्हाळ दुचाकीवरून पुणे-नाशिक महामार्गावरून जात होते. त्यावेळी पाऊस सुरू होता. ते भोसरी येथील टाटा शोरूम समोर आले असता त्यांची दुचाकी घसरली. त्यात गंभीर जखमी होऊन संतोष यांचा मृत्यू झाला.