चालकाचा ताबा सुटून पाच गाड्यांना धडक

भूकुम येथील भरतनगरमध्ये हॉटेल गारवानजीक कारचालकाचा ताबा सुटल्याने पाच गाड्यांना धडक दिली.

भूगाव : भूकुम येथील भरतनगरमध्ये हॉटेल गारवानजीक कारचालकाचा ताबा सुटल्याने पाच गाड्यांना धडक दिली. सुदैवाने यात कोणतीही जीवितहानी झाली नाही; परंतु गाड्यांचे मोठ्या प्रमाणात नुकसान झाले आहे.

भूकुम येथे दुपारी चारच्या दरम्यान चारचाकी वॅगनआर (एमएच १२ एलपी १९५६) गाडी पुण्याच्या दिशेने येत होती. परंतु ताबा सुटल्याने चालकाने उजव्या बाजूने पुण्याकडून पिरंगुटकडे जाणाऱ्या चार चारचाकी व एका दुचाकीस्वाराला धडक दिली. यात वॅगनआर गाडीत बसलेल्या महिलेला दुखापत झाली असून, तिला जवळच्या रुग्णालयात तातडीने नेण्यात आले. परंतु या सहा गाड्यांचे मोठ्या प्रमाणावर नुकसान झाले आहे.