कुत्र्याला हाकलल्याने दोघांवर कोयत्याने वार

अजित अशोक रणदिवे (वय २५, रा़ म्हाडा कॉलनी, हिंगणेमळा, हडपसर) यांनी फिर्याद दिली आहे़ याबाबत पोलिसांनी सांगितले, की रणदिवे आणि आरोपी हे एकमेकांच्या ओळखीचे आहेत़

पुणे : केवळ कुत्र्याला हाकलल्याने चौघांनी मिळून दोघांवर कोयत्याने वार करून त्यांना गंभीर जखमी करण्याचा प्रकार कोरेगाव पार्कमध्ये घडला. याप्रकरणी कोरेगाव पार्क पोलिसांनी दोघांना अटक केली आहे़ विजय महिपत सपकाळ (वय ४०), जय संजय सपकाळ (वय २२, रा़ संत गाडगेमहाराज वसाहत, कोरेगाव पार्क) यांना कोरेगाव पार्क पोलिसांनी अटक केली आहे़ सनी व त्याच्या मित्राचा पोलीस शोध घेत आहेत़

अजित अशोक रणदिवे (वय २५, रा़ म्हाडा कॉलनी, हिंगणेमळा, हडपसर) यांनी फिर्याद दिली आहे़ याबाबत पोलिसांनी सांगितले, की रणदिवे आणि आरोपी हे एकमेकांच्या ओळखीचे आहेत़ १९ फेब्रुवारीला मध्यरात्री साडेबाराच्या सुमारास रणदिवे हे त्याचा मित्र सिद्धार्थ घायतडक यांच्याबरोबर कोरेगाव पार्क येथील साईबाबा मंदिरासमोरील रोडवरून जात होते़ तेथील कुत्री त्यांच्या अंगावर आली़ त्यामुळे रणदिवे यांनी कुत्र्याला हाकलले़ यावरून विजय सपकाळ व इतरांना राग आला़ त्यांनी रणदिवे व सिद्धार्थ घायतडक यांना शिवीगाळ करून कोयत्याने डोक्यात, तोंडावर, हातावर व पायावर मारहाण करून जबर जखमी केले़ रणदिवे यांची दुचाकी फोडून त्याचे नुकसान त्यांनी केले़