दिवसभरात २९३ रुग्ण झाले बरे

लोकमत न्यूज नेटवर्क

पुणे : शहरातील कोरोनाबाधित रुग्णांमध्ये बुधवारी दिवसभरात ३०२ रूग्णांची वाढ झाली. तर, दिवसभरात बरे झालेल्या २९३ रुग्णांना घरी सोडण्यात आले आहे. विविध रुग्णालयातील ३७४ रुग्ण अत्यवस्थ असून दिवसभरात एकूण ७ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या ४ हजार ९५२ झाली आहे.

उपचार घेत असलेल्या रुग्णांपैकी ३७४ जणांची प्रकृती चिंताजनक आहे. यातील २२२ रुग्ण व्हेंटिलेटरवर असून १५२ रुग्ण आयसीयूत उपचार घेत आहेत. तर, ८०५ रुग्ण आॅक्सिजनवर आहेत. दिवसभरात ७ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ४ हजार ५५६ झाली आहे. पुण्याबाहेरील ६ मृत्यूची नोंद करण्यात आली.

दिवसभरात एकूण २९३ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या १ लाख ६५ हजार २४६ झाली आहे. तर, एकूण रुग्णसंख्या १ लाख ७४ हजार ७५४ झाली आहे. सक्रिय रूग्णांची संख्या ४ हजार ९५२ झाली आहे.

---

दिवसभरात विविध केंद्रांवर एकूण ३ हजार ६९९ नागरिकांची स्वाब तपासणी करण्यात आली असून आतापर्यंत ८ लाख ७२ हजार २७८ रूग्णांची तपासणी करण्यात आली आहे.