Pune: रामवाडी मेट्रो स्टेशन ते लोहगाव एअरपोर्ट मार्गावर PMPML ची फिडर सेवा सुरू

पुणे महानगर परिवहन महामंडळानेदेखील या मार्गावर मेट्रो फिडर सेवा देण्याचा निर्णय घेतला आहे....

पुणे : मेट्रोच्या रुबी हॉल ते रामवाडी मेट्राे स्टेशन या मार्गिकेचे बुधवारी (दि. ६) उद्घाटन झाले. त्यानंतर पुणे महानगर परिवहन महामंडळानेदेखील या मार्गावर मेट्रो फिडर सेवा देण्याचा निर्णय घेतला आहे. विशेष म्हणजे याच दिवशी या सेवेला हिरवा झेंडा दाखवण्यात आला आहे.

पुणे महानगर परिवहन महामंडळाकडून सुरू केलेल्या मेट्रो फिडर बससेवेमुळे प्रवासी नागरिकांना मेट्रो स्टेशन्सपर्यंत पोहोचणे सोयीचे होणार आहे. दर अर्ध्या तासाच्या वारंवारितेने रामवाडी मेट्रो स्टेशन ते लोहगाव एअरपोर्ट (मार्गे - साकोरे नगर) आणि रामवाडी मेट्रो स्टेशन ते लोहगाव एअरपोर्ट (मार्गे – संजय पार्क लेन नं. ६) या दोन मार्गांवर ही सेवा पुरवण्यात येणार आहे. या मेट्रो फिडर बससेवेचा लाभ घेण्याचे आवाहन पीएमपीकडून केले आहे.