आर्थिक वादाचा विकोप; डोक्यात लोखंडी रॉड मारुन नायलॉनच्या दोरीने गळा आवळून खून

पुण्यातील आंबेगाव बुद्रुक येथे शुक्रवारी रात्री दोन अडीचच्या दरम्यान ही घटना घडली

धनकवडी : आर्थिक व्यवहारातून वाद घालत एका व्यक्ती च्या डोक्यात लोखंडी रॉड मारुन नायलॉनच्या दोरीने गळा आवळून खून केल्याची धक्कादायक घटना शुक्रवारी (दि.१३) रात्री घटली. राहूल बबन दांगट, (वय ४६ वर्षे, धंदा शेती, रा. फ्लॅट नं ०४, स.नं- १३. शिलाई वर्ल्ड समोर, आंबेगाव बु.) असे खून झालेल्या व्यक्तीचे नाव आहे. या प्रकरणी सुशांत नारायण आरुडे, (वय-३० वर्षे, रा. चिंतामणी अपार्टमेंट, फालेनगर, आंबेगाव बु. ) यास भारती विद्यापीठ पोलिसांनीअटक केली आहे. विकास बबन दांगट, ( वय ४२ वर्षे,) यांनी या प्रकरणी भारती विद्यापीठ पोलीस स्टेशनमध्ये फिर्याद दाखल केली होती.

पोलिसांनी दिलेल्या माहितीनुसार शुक्रवारी रात्री दोन अडीच च्या दरम्यान आंबेगाव बुद्रुक येथील पुर्वी पॉकीट कॉर्नर कॅफे जवळ फिर्याद यांचा भाऊ राहुल दांगट आणि सुशांत आरुडे, यांच्या मध्ये आर्थिक व्यवहारा वरुन वाद झाला. सुशांत याने राहूल च्या डोक्यात लोखंडी रॉड मारुन नायलॉनच्या दोरीने त्याचा गळा आवळून खुन केला. या प्रकरणाचा पुढील तपास सहायक पोलिस निरीक्षक गंगाधर घावटे करत आहेत.