पुणे : मार्केटयार्ड परिसरात आंबेडकर नगर झोपडपट्टीत अग्नितांडव

मार्केटयार्ड येथील आंबेडकर नगर झोपडपट्टीत भीषण आग लागली आहे. अग्निशमन दलाच्या 12 गाड्या घटनास्थळी दाखल झाल्या आहेत.

पुणे - मार्केटयार्ड येथील आंबेडकर नगर झोपडपट्टीत भीषण आग लागली आहे. अग्निशमन दलाच्या 14 गाड्या घटनास्थळी दाखल झाल्या आहेत. अग्निशमनचे मुख्य अधिकारी घटनास्थळी दाखल झाले आहेत. अग्निशमन दलाचे सुमारे 200 कर्मचारी नागरिकांसह आग विझवण्याचे अथक प्रयत्न करत आहेत. सकाळी 10.30 वाजण्याच्या सुमारास अग्निशमन दलाला आग लागल्याची माहिती मिळाली 

तीन ते चार सिलिंडरचा स्फोट झाल्याची माहिती समोर आली आहे. सिलिंडरच्या स्फोटामुळे भीषण आग लागून 50 ते 60 झोपडपट्ट्या आगीत भस्मसात झाल्या. या दुर्घटनेत सुदैवाने कोणतीही जीवितहानी नाही. दाट वस्ती व अरूंद रस्ते असल्यामुळे  मदतकार्य  करण्यास अनेक अडचणींचा सामना करावा लागत आहे. अग्निशमन दलाचे जवान व नागरिक घरांच्या पत्र्यांवर चढून आग विझवण्याचे प्रयत्न करत आहे. दरम्यान, धुरामुळे त्रास झाल्याने अग्निशमन दलाच्या एका जवानाला रुग्णालयात दाखल करण्यात आले आहे.

आगीनं रौद्र रुप धारण केल्यानं नागरिकांमध्ये प्रचंड घबराहटीचे वातावरण पसरले आहे.  

Fire breaks out in a slum near Market yard in #Pune, around 12 fire tenders present at the spot. No causalities reported. More details awaited #Maharashtrapic.twitter.com/luKinEsdDs

— ANI (@ANI) April 21, 2018