नवले पुलाजवळील शोरुमला आग; सुदैवाने कोणतीही जीवितहानी नाही 

कर्मचाऱ्यांच्या लक्षात ही बाब आल्याने त्यांनी अग्निशमन दलाला यासंदर्भात कळविले. शोरुममध्ये लाकडी फ्लाय, वॉल पेपर, किचन ट्रॉली, प्लायवूड, फर्निचर हार्डवेअर आदी सामान असल्याने आग मोठ्या प्रमाणात वाढण्याचा संभव होता.

धायरी - सिंहगड रस्त्यावरील नवले पुलाजवळ असणाऱ्या एका शोरुमला मंगळवारी रात्री सव्वा आठच्या सुमारास आग लागली. यात दुकानाचे मोठ्या प्रमाणात नुकसान झाले असले तरी सुदैवाने कोणतीही जीवितहानी झाली नाही. (Fire at showroom near Navale bridge in pune)
 
नवले पुलाजवळ असणाऱ्या जयलक्ष्मी सेरा फ्लाय ह्या शोरुममध्ये शॉर्टसर्किट झाल्यामुळे धूर निघत होता. कर्मचाऱ्यांच्या लक्षात ही बाब आल्याने त्यांनी अग्निशमन दलाला यासंदर्भात कळविले. शोरुममध्ये लाकडी फ्लाय, वॉल पेपर, किचन ट्रॉली, प्लायवूड, फर्निचर हार्डवेअर आदी सामान असल्याने आग मोठ्या प्रमाणात वाढण्याचा संभव होता. मात्र पुणे महानगरपालिकेच्या सनसिटी येथील अग्निशमन दलाच्या जवानांनी तत्काळ आग विझविल्याने मोठा अनर्थ टळला. 

शोरुममध्ये लागलेल्या आगीमुळे मोठ्या प्रमाणात नुकसान झाले आहे. घटनास्थळी सिंहगड रस्ता पोलीस ठाण्याचे पोलीस निरीक्षक प्रमोद वाघमारे, सहायक पोलीस निरीक्षक प्रशांत कणसे, पोलीस उपनिरीक्षक अमोल काळे तसेच अग्निशमन दलाचे जवान घटनास्थळी त्वरित पोहचून आग नियंत्रणात आणली.