Pune | पुणे विमानतळावर साडेपाच तासांनंतर विमान रद्द, प्रवाशांची तारांबळ

प्रवाशांनी प्रचंड नाराजी व्यक्त केली...

पुणे :पुणे ते अहमदाबाद जाणाऱ्या स्पाईस जेटच्या विमानातील एसी बंद पडल्याने साडेपाच तासांनंतर प्रवाशांना विमान रद्द झाल्याचे सांगण्यात आले. यामुळे प्रवाशांमध्ये प्रचंड नाराजी व्यक्त करण्यात आली.

पुण्याहून रविवारी दुपारी अडीच वाजता अहमदाबादला जाणाऱ्या स्पाईस जेटच्या विमानात प्रवासी बसले. विमान टेक ऑफ घेणार, एवढ्यात विमानातील एसी बंद पडला. त्यामुळे टेक ऑफ लांबणीवर टाकत एसीचे काम करून विमान उड्डाण घेईल असे विमान प्रशासनातर्फे सांगण्यात आले.

त्यानंतर साडेपाच तास उलटून गेल्यावरही विमान जैसे थे परिस्थितीत उभे होते. रात्री साडेआठच्या सुमारास विमान कंपनीकडून ८५ प्रवाशांना विमान रद्द करण्यात आल्याचे सांगितले, त्यामुळे प्रवाशांची चांगलीच तारांबळ उडाली.