तुकाई भांबुरवाडी गावचे माजी सरपंच भरत थिगळे शिवसेनेत

माजी खासदार आढळराव पाटील यांनी सर्वांचे शिवसेना पक्षात स्वागत करताना हिंदुहृदयसम्राट बाळासाहेब ठाकरे यांचे विचार व शिवसेना पक्षाची ध्येयधोरणे अंगीकारून शिवसेना पक्षप्रमुख व मुख्यमंत्री उद्धवजी ठाकरे यांच्या नेतृत्वाखाली समाजातील सर्व घटकांना न्याय मिळवून देण्यासाठी सेवा करण्याचे आवाहन या वेळी उपस्थितांना केले. या वेळी माजी सरपंच भरत थिगळे, माजी सरपंच काळुराम दरेकर, हरिश्चंद्र वेहळे, स्वप्निल दरेकर, नीलेश भांबुरे, माणिक भोसले, विठ्ठल वेहळे, अमोल वेहळे, सुरेश थिगळे यांनी लांडेवाडी, ता. आंबेगाव येथील शिवनेरी निवासस्थानी शिवसेनेत प्रवेश केला.

या पक्ष प्रवेशावेळी शिवसेना खेड तालुकाप्रमुख रामदास (आबा) धनवटे, पंचायत समिती उपसभापती ज्योती आरगडे, आमदार सुरेशभाऊ गोरे प्रतिष्ठानचे अध्यक्ष नितीन गोरे, उपतालुका प्रमख केशव अरगडे, चाकण शहरप्रमुख महेश शेवकरी, दत्ताभाऊ कंद पाटील, काळुस गावचे माजी सरपंच संदीप पोटवडे, विजय शिंदे पाटील, ग्राहक सरक्षण कक्षाचे शंकर शिंदे, पी. डी. पाटील, दत्ता टाकळकर, श्रीनाथ लांडे, भानुदास यळवडे आदी मान्यवर उपस्थित होते.