पुण्यात चौदा मजली इमारतीला आग; अग्निशमन दलाच्या ५ फायरगाड्या दाखल

सर्व नागरिकांना बाहेर काढण्यात यश आले असुन नागरिकांमध्ये प्रचंड घबराट निर्माण झाली आहे

पुणे : पुण्याच्या कोथरुड भागात असणाऱ्या आशिष गार्डनजवळील श्रावणधारा सोसायटीच्या इमारतीला आग लागल्याची घटना घडली आहे. इमारत चौदा मजल्यांची असून दुसरा मजल्यावरुन आग वरवरती पेट घेत आहे. घटनास्थळी अग्निशमन दलाकडून ०५ फायरगाड्या व ०१ वॉटर टँकर रवाना झाल्याचे अग्निशमन दलाकडून सांगण्यात आले आहे. 

मिळालेल्या माहितीनुसार, श्रावणधारा हाउसिंग सोसायटी ही चौदा मजली इमारत असुन दुसरा मजल्याला आग लागली आहे. दुसरा मजल्यापासुन एक एक मजला वरती पेट घेत असुन घरगुती विद्युत वायर मुळे हि आग भडकत असल्याचे अग्निशमन दलाचे अधिकारी सांगत आहे. तळमजल्या पासुन शेवटच्या मजल्यापर्यंत शाँर्ट सर्कीट झाले आहे. सर्व नागरिकांना बाहेर काढण्यात यश आले असुन नागरिकांमध्ये प्रचंड घबराट निर्माण झाली आहे.