शुभकार्यासाठी दिले विनामूल्य सभागृह

सध्या कोरोनाच्या संसर्गामुळे सरकारी नियमानुसार कमी लोकांच्या उपस्थित शुभकार्य करावे लागत. आहे. अशा स्थितीत नागरिकांना हॉलचे भाडे मात्र काही जण कमी करत नसताना दिसते. अशा संकटकाळी सामाजिक भावनेतून विनामूल्य सभागृह दिल्याचे सारंग नवले यांनी सांगितले.

वडगाव धायरी परिसरातील गरजू नागरिकांसाठी लग्न व मुंज अशा धार्मिक कार्यक्रमासाठी विनामूल्य हॉलचे उद्घाटन आमदार भीमराव तापकीर यांच्या हस्ते करण्यात आले. या हॉलमधील पहिला विवाहदेखील नुकताच पार पडला. या वेळी नगरसेविका राजश्री नवले, माजी नगरसेवक बाळासाहेब नवले, दिलीप नवले, खडकवासला मतदारसंघाचे अध्यक्ष सचिन मोरे, युवा मोर्चा संघटन सरचिटणीस सारंग बाळासाहेब नवले, विशाल उभे, कुणाल नवले, रवि बिराजदार, चेतन शितोळे, प्रज्वल मांढरे आदींनी उपस्थित राहून उभयतांना शुभेच्छा दिल्या.

फोटो ओळ : उभयतांना शुभेच्छा देताना आ. भीमराव तापकीर, नगरसेविका राजश्री नवले, बाळासाहेब नवले, सारंग नवले आदी.