Pune | राहूबेट परिसरातील ग्रामपंचायतींवर आमदार राहुल कुल गटाचे निर्विवाद वर्चस्व
By ऑनलाइन लोकमत | Published: December 20, 2022 01:23 PM2022-12-20T13:23:33+5:302022-12-20T13:26:00+5:30
दहिटणे ग्रामपंचायतवर कुल गटाची सत्ता कायम
Pune | राहूबेट परिसरातील ग्रामपंचायतींवर आमदार राहुल कुल गटाचे निर्विवाद वर्चस्व
Next पाटेठाण (पुणे): राहूबेट (ता.दौंड) परिसरातील ग्रामपंचायतीच्या झालेल्या पंचवार्षिक निवडणुकीमध्ये पाटेठाण, देवकरवाडी, नांदुर ग्रामपंचायत पंचवार्षिक निवडणुकीमध्ये सत्तांतर होत आमदार राहुल कुल गटाचे वर्चस्व प्रस्थापित झाले असून दहिटणे ग्रामपंचायतवर कुल गटाची सत्ता कायम राहिली आहे.
दौंड तालुक्यातील पश्चिम पट्ट्यातील राहूबेट परिसरातील दहिटणे ग्रामपंचायतीच्या सरपंचपदी भाजपचे आमदार राहुल कुल समर्थक उमेदवार आरती गायकवाड १६३ मतांनी विजयी तर देवकरवाडी ग्रामपंचायत सरपंचपदी भाजपच्या तृप्ती दिंगबर मगर यांनी ३६७ मतांनी दणदणीत विजयी मिळवला आहे.
पाटेठाण ग्रामपंचायत पंचवार्षिक निवडणुकीत सरपंचपदाचे अर्ज बाद झाल्याने सरपंचपद रिक्त राहणार असून ग्रामपंचायतवर सत्तांतर होत आमदार राहुल कुल समर्थक भैरवनाथ जनसेवा पॅनलने ८-० ने सत्ता खेचून आणली आहे. विजयानंतर कुल समर्थकांनी गुलालाची मुक्तपणे उधळण करत जल्लोष केला.