कुरवली ग्रामपंचायतीवर हंडामोर्चा

कुरवली (ता.इंदापूर) येथील ग्रामसेवकाच्या मनमानी कारभारामुळे कुरवली गावच्या पाण्याचा प्रश्न गंभीर झाल्याने संतप्त ग्रामस्थांनी

वालचंदनगर : कुरवली (ता.इंदापूर) येथील ग्रामसेवकाच्या मनमानी कारभारामुळे कुरवली गावच्या पाण्याचा प्रश्न गंभीर झाल्याने संतप्त ग्रामस्थांनी ग्रामपंचायतीवर हंडामोर्चा काढून निषेध करण्यात आला आहे. हंडामोर्चाचे निवेदन कोणीही स्वीकारायला नसल्याने संतप्त ग्रामस्थांनी ग्रामपंचायतीलाच कुलूप ठोकले. कामचुकार ग्रामसेवकाला निलंबीत करण्यात यावे अन्यथा पंचायत समितीसमोर ठिय्या आंदोलन करण्याचा इशारा मोर्चातील संतप्त ग्रामस्त्थांनी निवेदनाद्वारे देण्यात आलेले आहे.
जागतिक जल दिनीच पाण्यासाठी हंडा मोर्चा काढण्याची वेळ ग्रामस्थांवर आली आहे. तीव्र पाणी टंचाईने ग्रामस्थांना दाहिदिशा कोसोदूर भटकंती करून पाणी मिळवण्यासाठी पायपीट करण्याची वेळ आलेली आहे. येथील ग्रामसेवकाला अनुउपस्थितीबद्दल विचारले असता ग्रामस्तानाच दमदाटी करत असल्याचे निवेदनात म्हटले आहे.सकाळी दोनशे ग्रामस्थांसह शेकडो महिलांनी हातात हंडा घेऊन ग्रामपंचातीवर मोर्चा काढला. संतप्त ग्रामस्थानी ग्रामपंचायतीलाच कुलूप ठोकले आहेत. (वार्ताहर)