माजी सैनिकाच्या हस्ते

बारामती : आदर्श ग्राम सायंबाच्या वाडीमध्ये मागील वर्षांपासून माजी सैनिक अथवा निवृत्त पोलिस कर्मचारी, अधिकारी यांच्या हस्ते ध्वजारोहण करतो. यंदाच्या वर्षी अमृतमहोत्सवी स्वातंत्र्यदिनानिमित्त माजी सैैनिक रामभाऊ शितोळे यांच्या ग्रामपंचायत कार्यालयासमोर ध्वजारोहण करण्यात आले, अशी माहिती उपसरपंच प्रमोद जगताप यांनी दिली.

सायंबाचीवाडी गावामधे कोरोनाचे नियंमांचे पालन करून स्वातंत्र्यदिन उत्सवात साजरा करण्यात आला. प्राथमिक शाळेचे ध्वजारोहण उपसरपंच प्रमोद दिलीपराव जगताप यांचे हस्ते करण्यात आले व पूजन शाळा व्यवस्थापन अध्यक्ष शहाजी जगताप व सदस्य शीतल भापकर यांचे हस्ते करण्यात आले. या वेळी भाऊसाहेब घाडगे, साहेबराव भगत, नारायण भापकर ,गोविंद जगताप,शातांराम भापकर, सदस्य काजल गावडे, गणेश भापकर उपस्थित होते.

सायंबाचीवाडी ग्रामपंचायत कार्यालय येथील ध्वजस्तंभाचे पूजन करताना माजी सैनिक रामभाऊ शितोळे व उपस्थित पदाधिकारी.

१६०८२०२१-बारामती-०४