टेनिसपटू ईशिता जाधवचा सन्मान

महापालिकेच्या वतीने भोसरी येथील १२ वर्षीय शालेय विद्यार्थिनी ईशिता जाधव हिचा सत्कार करण्यात आला. तिने जमशेदपूर येथे झालेल्या लॉन टेनिस स्पर्धेत १४ वर्ष वयोगटामध्ये प्रथम तर १६ वर्ष वयोगटामध्ये द्वितीय क्रमांक पटकाविला होता.

पिंपरी : महापालिकेच्या वतीने भोसरी येथील १२ वर्षीय शालेय विद्यार्थिनी ईशिता जाधव हिचा सत्कार करण्यात आला. तिने जमशेदपूर येथे झालेल्या लॉन टेनिस स्पर्धेत १४ वर्ष वयोगटामध्ये प्रथम तर १६ वर्ष वयोगटामध्ये द्वितीय क्रमांक पटकाविला होता. तिचा स्थायी समिती सभापती सीमा सावळे यांच्या हस्ते सन्मान करण्यात आला.
स्थायी समिती सभागृहात झालेल्या या कार्यक्रमास अतिरिक्त आयुक्त अच्युत हांगे, अपक्ष आघाडी गटनेते कैलास ऊर्फ बाबा बारणे, जैवविविधता व्यवस्थापन समिती अध्यक्षा उषा मुंढे, नगरसदस्य राजू मिसाळ, अमित गावडे, लक्ष्मण उंडे, उत्तम केंदळे, हर्षल ढोरे, नगरसदस्या आशा धायगुडे-शेंडगे, निर्मला कुटे, वैशाली काळभोर, अनुराधा गोफणे, माधुरी कुलकर्णी, कोमल मेवानी, शहर अभियंता अंबादास चव्हाण, मुख्य लेखा परीक्षक पद्मश्री तळदेकर, नगरसचिव उल्हास जगताप आदी उपस्थित होते.
चंदिगड येथे होणाºया रोड टू विम्ब्ल्डन राष्ट्रीय सिरीज स्पर्धेत निवड झाली असून नोव्हेंबर २०१७ मध्ये होणाºया आय.टी.एफ. स्पर्धेसाठी ती कसून तयारी करीत आहे. नगरसदस्या अनुराधा गोफणे यांच्या सहकार्याने व अर्जुन आवर्ड विजेते संदीप कीर्तने यांच्या मार्गदर्शनाखाली एन.सी.एल. पाषाण येथे ती सराव करीत आहे.