हॉटेलमध्ये सुरू होता हुक्का बार

लोकमत न्यूज नेटवर्क

पुणे : विमाननगर येथील हॉटेलमध्ये बेकायदेशीररीत्या सुरू असलेल्या हुक्का बारवर गुन्हे शाखेने छापा टाकून हॉटेलमालकासह तिघांवर गुन्हा दाखल केला आहे.

हॉटेल तलबचे मालक सचिन अशोक रणपिसे (वय ३०, रा. येरवडा), अमर संतोष गायकवाड (वय २६, रा. येरवडा) व हॉटेल मॅनेजर दिलीपकुमार मांगीलाल मालविया (वय २६, रा. हडपसर) अशी गुन्हा दाखल झालेल्यांची नावे आहेत.

गुन्हे शाखेतील सामाजिक सुरक्षा विभागाच्या पोलीस निरीक्षक शिल्पा चव्हाण आणि अमली पदार्थ विरोधी पथकाचे पोलीस निरीक्षक विनायक गायकवाड यांना वरिष्ठ अधिकाऱ्र्यांकडून विमाननगर येथील हॉटेल तलब येथे हुक्का बार सुरू असल्याची माहिती मिळाली. त्यानुसार पोलिसांनी खातरजमा करण्यासाठी बनावट ग्राहक पाठविण्यात आले

त्यानंतर पोलिसांनी छापा मारला. त्यात हॉटेलमध्ये बेकायदेशीरपणे हुक्का बार चालवून ग्राहकांना हुक्का सेवनासाठी पुरवित असल्याचे आढळून आले. पोलिसांनी वेगवेगळे हुक्का फ्लेवर्स, ११ हुक्का पॉट,चिलीम पाईप व दोन मोटरसायकली असा २ लाख ३ हजार रुपयांचा माल जप्त केला आहे.