पुणे जिल्ह्यात ८ हजारांहून अधिक जणांनी सोडले रेशनवरील धान्य

शहरातील अ परिमंडळात सर्वाधिक ७०७ व जिल्ह्यातील बारामती तालुक्यात १६१२ जणांनी असा हक्क सोडला आहे...

पुणे : अन्नसुरक्षा योजनेचा लाभ घेणाऱ्यांनी निकषात बसत नसल्यास स्वत: बाहेर पडण्यासाठी ‘गिव्ह इट अप’ हा उपक्रम सुरू करण्यात आला आहे. या उपक्रमाला ३० सप्टेंबरपर्यंत मुदतवाढ देण्यात आली आहे. या उपक्रमात जिल्ह्यात आतापर्यंत ७१५६ जणांनी तर शहरात २८२० जणांनी रेशनवरील धान्याचा हक्क सोडला आहे. त्यात शहरातील अ परिमंडळात सर्वाधिक ७०७ व जिल्ह्यातील बारामती तालुक्यात १६१२ जणांनी असा हक्क सोडला आहे.

शहर, जिल्ह्यात रेशनचे ४० लाख लाभार्थी

जिल्ह्यात अन्नसुरक्षा योजना व प्राधान्य योजनेत २६ लाख ७१ हजार १५६ लाभार्थी आहेत, तर शहरात सुमारे साडेतेरा लाख लाभार्थी आहेत. दोन्ही मिळून ४० लाख लाभार्थी आहेत.

काय आहे ‘गिव्ह इट अप’ उपक्रम

राष्ट्रीय अन्नसुरक्षा योजनेत सवलतीच्या दराने अन्नधान्याचा लाभ मिळण्याकरिता पात्र असलेल्या लाभार्थींना लाभ घेण्याची आवश्यकता नसल्यास असे लाभार्थी ते नाकारू शकतात.

कोणत्या तालुक्यात किती जणांनी सोडला रेशनचा हक्क?

तालुका             रेशनचा त्याग केलेले

हवेली                         १७५

बारामती             १६१२

आंबेगाव             ३४२            

भोर                         १८७

दौंड                         ७५०

इंदापूर                         १४६५

जुन्नर                         ४३२

खेड                         ५७५

मावळ                         ४३८

मुळशी                         १३०

पुरंदर                         ४०९

शिरूर                         ६००

वेल्हे                         ४१

एकूण                         ७१५६

शहरातील परिमंडळानुसार रेशनचा हक्क सोडलेले नागरिक

अ             ७०७

ब             ६१

क             १७८

ड             १२५

ई             २०१

फ             १५३

ग             ४९

ह             ४१९

ज             २०९

ल             २४१

म             ४७७

एकूण             २८२०

सप्टेंबर अखेरपर्यंत वाढविली मुदत-

या उपक्रमाला १५ सप्टेंबरपर्यंत मुदतवाढ देण्यात आली आहे.

धान्य सोडण्याचा हक्क हा ऐच्छिक आहे. ज्यांचे उत्पन्न जास्त आहे तसेच रेशनवरील धान्याची गरज नाही अशांनी तो सोडावा जेणेकरून अन्य गरजूंना त्याचा लाभ देता येईल.

- सुरेखा माने, जिल्हा पुरवठा अधिकारी, पुणे

मला रेशनवरील धान्याची आवश्यकता नसल्याने मी स्वतःहून हा हक्क सोडला आहे.

- अनंत देशपांडे, कात्रज