मंगळवारी १८२ कोरोनाबाधितांची वाढ

पुणे : शहरात मंगळवारी १८२ कोरोनाबाधितांची वाढ झाली असून, ३३५ कोरोनाबाधित कोरोनामुक्त झाले आहेत़ आज दिवसभरात २ हजार ३४० संशयितांची तपासणी करण्यात आली़ तपासणीच्या तुलनेत आजच्या पॉझिटिव्हची टक्केवारी ही ७.७ टक्के आहे.

महापालिकेच्या आरोग्य विभागाने दिलेल्या माहितीनुसार, मंगळवारी सायंकाळी चारपर्यंत शहरातील विविध रुग्णालयांमध्ये २०३ गंभीर रूग्णांवर उपचार सुरू असून ऑक्सिजनसह उपचार घेणाऱ्यांची संख्या २८७ आहे़ शहरातील सक्रिय रूग्णसंख्या २ हजार ३०४ आहे. मंगळवारी दिवसभरात ११ जणांचा मृत्यू झाला असून यापैकी ६ जण पुण्याबाहेरील आहेत़ शहरातील एकूण कोरोना मृत्यूची संख्या ४ हजार ७१४ इतकी झाली आहे़

शहरात आजपर्यंत ९ लाख ८५ हजार ५०४ जणांची कोरोना तपासणी करण्यात आली असून यापैकी १ लाख ८३ हजार ४७७ जण कोरोनाबाधित आढळून आले. यापैकी १ लाख ७६ हजार ४५९ जण कोरोनामुक्त झाले आहेत़

==========================