यवतमध्ये जखमी तरुणाचा मृत्यू; तिघांवर गुन्हा

मंगेश मारुती बोरकर (वय २५, रा. सहकारनगर, यवत, ता. दौंड) असे मृत तरुणाचे नाव आहे. त्याचे वडील मारुती दगडू बोरकर (वय ४५) यांनी याप्रकरणी फिर्याद दिली. सोमवारी (दि. ९) दुपारी अडीच ते तीन वाजण्याच्या दरम्यान यवतमधील बाळू दोरगे यांच्या शेतात त्यांच्या पत्नीबरोबर झालेल्या वादातून बाळू दोरगे त्यांचा भाऊ राहुल दोरगे व इतर एक अल्पवयीन मुलगा यांनी मंगेश बोरकर याला लाकडी दांडके व लोखंडी गज यांनी हातावर, पायावर पोटात, डोळ्यावर बेदम मारहाण केली. यात त्याचा मृत्यू झाला. ही घटना घडल्यानंतर दौंडचे उपविभागीय पोलीस अधिकारी धस, पोलीस निरीक्षक भाऊसाहेब पाटील, सहाय्यक पोलीस निरीक्षक वाबळे यांनी घटनास्थळी भेट दिली. पुढील तपास सहाय्यक पोलीस निरीक्षक वाबळे करीत आहेत.