कसबा विधानसभा पोटनिवडणूक: नाकाबंदीत पकडली ५ लाखांची रोकड

पोलिसांनी तपासणी केली असता त्यात ५ लाख रुपयांची रोकड आढळून आली...

पुणे :कसबा पेठ पोटनिवडणूक, व्हीआयपींचे दौरे यामुळे पोलिसांनी केलेल्या नाकाबंदीदरम्यान स्वारगेट पोलिसांनी चार कारमधून ५ लाख रुपयांची रोकड पकडली आहे. निवडणूक विभाग व पोलिसांनी ठिकठिकाणी चेकपोस्टची उभारणी केली आहे. गुरुवारी दुपारी साडेबाराच्या सुमारास जेधे चौकातून एक गाडी येत होती. पोलिसांनी तिची तपासणी केली असता त्यात ५ लाख रुपयांची रोकड आढळून आली.

राेकड बाळगणाऱ्याने हॉस्पिटलचे स्पष्टीकरण दिले असले तरी त्याने समाधान न झाल्याने ती रोकड जप्त करत निवडणूक विभागाच्या भरारी पथकाच्या ताब्यात देण्यात आली. एवढी रोकड नेमक्या कोणत्या कारणासाठी संबंधित व्यक्तीने जवळ बाळगली हे निवडणूक विभाग व पोलिस पडताळून पाहत आहेत, अशी माहिती वरिष्ठ पोलिस निरीक्षक अशोक इंदलकर यांनी दिली.