Kasba Chinchwad By Election: दिवसभर शुकशुकाट, संध्याकाळी गर्दी; पुणेकरांचे पोटनिवडणुकीत वेगळेच गणित

कसबा, चिंचवड विधानसभा पोटनिवडणुकीत ४५% मतदान, दोन्ही मतदारसंघांत हाणामारीचे प्रकार

लोकमत न्यूज नेटवर्क 
पुणे : कसबा व चिंचवड विधानसभा मतदारसंघाच्या पोटनिवडणुकीसाठी रविवारी किरकोळ अपवाद वगळता शांततेत मतदान पार पडले. कसबा मतदारसंघात सायंकाळी पाचपर्यंत अवघे ४५.२५ टक्के मतदान झाले हाेते; तर चिंचवड मतदारसंघात सायंकाळी ६ वाजेपर्यंत ४५ टक्के मतदान झाले होते. मतमोजणी गुरुवार, दि. २ मार्चला होणार असून,  निकालाची उत्सुकता सर्वांना लागली आहे.  

कसब्यात महाविकास आघाडीचे रवींद्र धंगेकर व महायुतीचे हेमंत रासने  यांच्यात थेट लढत झाली. भाजपचे माजी नगरसेवक, सभागृह नेते  गणेश  बिडकर यांनी काँग्रेसच्या कार्यकर्त्याला मारहाण केल्याचा आरोप काँग्रेसने केला. 

चिंचवडमध्ये महायुतीचे उमेदवार अश्विनी जगताप, महाविकास आघाडीचे उमेदवार नाना काटे व अपक्ष उमेदवार राहुल कलाटे यांच्यात चुरशीची लढत झाली.