शिक्षण समितीच्या अध्यक्षपदी खर्डेकर, तर उपाध्यक्षपदी पुंडे यांची निवड

पुणे : पुणे महापालिकेच्या शिक्षण समिती अध्यक्षपदी भाजपच्या मंजूश्री खर्डेकर, तर उपाध्यक्षपदी कालिंदा पुंडे यांची शुक्रवारी बहुमताने निवड झाली़

महापालिकेच्या स्थायी समितीच्या सभागृहात पार पडलेल्या या निवडणुकीत, भाजपच्या उमेदवारांनी महाविकास आघाडीचे अध्यक्षपदाच्या उमेदवार सुमन पठारे यांचा तर उपाध्यक्षपदाच्या शिवसेनेच्या उमेदवार प्राची आल्हाट यांचा पराभव केला़ समितीच्या एकूण तेरा सदस्यांनी यावेळी मतदान प्रक्रियेसाठी उपस्थिती दर्शविली़ यात सत्ताधारी भाजपच्या उमेदवारांना आठ तर महाविकास आघाडीच्या उमेदवारांना चार मते मिळाली़ समिती सदस्य सुभाष जगताप हे स्वीकृत सदस्य असल्याने त्यांना या निवडणुकीत मतदान करता आले नाही़

निवडणुकीकरिता पुणे जिल्हा परिषदेचे मुख्य कार्यकारी अधिकारी आयुष प्रसाद यांनी पीठासीन अधिकारी म्हणून काम पाहिले़

निवडणुकीनंतर खर्डेकर व पुंडे यांचा भाजप शहराध्यक्ष शहराध्यक्ष जगदीश मुळीक, महापौर मुरलीधर मोहोळ, उपमहापौर सरस्वती शेंडगे, सभागृह नेते गणेश बिडकर यांच्या हस्ते सत्कार करण्यात आला़

--------------------------

फोटो मेल केला आहे़