लाड यांना ४८ हजार ८२४ मतांचे मताधिक्य

पुणे : पुणे पदवीधर मतदार संघातील निवडणुकीत दहा वीस नव्हे, तर तब्बल ६२ उमेदवार रिंगणात होते़ यातील प्रमुख लढत ही महाविकास आघाडीचे अरूण लाड व भारतीय जनता पक्षाचे संग्राम देशमुख यांच्यामध्येच होती़ मात्र ही लढतही एकतर्फी झाल्याचे दिसून आले असून, लाड यांना देशमुख यांच्यापेक्षा पहिल्याच पसंती क्रमांकांच्या मतमोजणीत तब्बल ४८ हजार ८२४ मते मिळाली आहेत़

पदवीधर मतदार संघातील मतमोजणी प्रक्रिया गुरूवारी सकाळी सुरू झाल्यावर प्रारंभी टपाली मते व सर्व जिल्ह्यातील मते एकत्र करण्यात आली़ यानंतर २ लाख ४७ हजार ५० मतपत्रिका ११२ टेबलवर मोजणीसाठी वितरित करण्यात आल्या़ यावेळी प्रथम वैध व अवैध मतपत्रिका निवडण्यात आल्या़ यामध्ये २ लाख २८ हजार २७२ मते वैध मतदान ठरले. त्यामुळे विजयी उमेदवारास १ लाख १४ हजार १३७ हा विजयी कोटा ठरविण्यात आला. शुक्रवारी (४ डिसेंबर) पहाटेपर्यंत हे काम सुरू होते़ दरम्यान याच प्रक्रियेत लाड यांना मिळालेली मते पाहता त्यांचा विजय हा निश्चित मानला गेला़

लाड यांना पहिल्या पसंती क्रमांकाच्या मतमोजणीतच निश्चित कोट्यापैकी अधिकची ८ हजार ८ मते अधिक मिळाली़ यामुळे दुसºया पसंती क्रमांकाची मते मोजण्याची (''''''''एलेमिनेशन'''''''') आवश्यकताच पडली नाही़ लाड यांच्या नंतर सर्वाधिक मतेही भाजपचे संग्राम देशमुख यांना पडली असून ती ७३ हजार ३२१ इतकी आहेत़ तर त्या खालोखाल मनसेच्या उमेदवार अ‍ॅड़रूपाली ठोंबरे पाटील यांना ६ हजार ७१३ मते पडली आहेत़ तर संभाजी ब्रिगेडचे डॉ़ श्रीमंत कोकाटे यांना ६ हजार ५७२ मते मिळाली आहेत़

--------------------

६२ पैकी सर्वाधिक मते मिळविणारे पहिले दहा उमेदवार

अरूण गणपती लाड (महाविकास आघाडी) :- १,२२,१४५

संग्राम देशमुख (भारतीय जनता पक्ष) :- ७३ हजार ३२१

अ‍ॅड़ रूपाली पाटील ठोंबरे (मनसे) :- ६ हजार ७१३

डॉ़ श्रीमंत कोकाटे (अपक्ष) :- ६ हजार ५७२

प्रा़ शरद पाटील (जनता दल सेक्युलर) :- ४ हजार २५९

सोमनाथ साळुंखे (वंचित बहुजन आघाडी) :- ३ हजार १३९

अरूण (अण्णा) लाड (अपक्ष) :- २ हजार ५५४

डॉ़ अमोल पवार (आम आदमी पार्टी) :- १ हजार १२१

धनंजय घोंडकर (अपक्ष) :- ९८९

कृपाल पळूसकर (संभाजी ब्रिगेड) :- ८४३

---------------------------