लवास रॉयल्स, कु-बिल्ट मास्टर्स अंतिम फेरीत

लोकमत न्यूज नेटवर्क

पुणे : रोटरी डिस्ट्रिक ३१३१ तर्फे आयोजित रोटरी मिक्स विंटर कप क्रिकेट स्पर्धेच्या उपांत्य फेरीत लवास रॉयल्स व कु-बिल्ट मास्टर्स या संघांनी अनुक्रमे वाणी वॉरियर्स व अल्टीमेट ऍडव्हेंचर्स संघांचा पराभव करून अंतिम फेरीत प्रवेश केला.

आरएस खांदवे येथील क्रिकेट मैदान व लिजेंड्स क्रिकेट मैदानावर सुरू असलेल्या या स्पर्धेत उपांत्य फेरीच्या सामन्यात जयंत येवलेच्या ३२ धावांच्या खेळीच्या जोरावर लवास रॉयल्स संघाने वाणी वॉरियर्सचा ३ गडी राखून पराभव केला. प्रथम फलंदाजी करताना वाणी वॉरियर्स संघाने २० षटकात ४ बाद १५४ धावा केल्या. लवास रॉयल्सकडून गणेश कडू १-२८ व योगेश वाघ १-२७ यांनी प्रत्येकी एक गडी बाद केला. हे आव्हान लवास रॉयल्स संघाने १९.२ षटकात ७ बाद १५८ धावा करून पूर्ण केले. सामन्याचा मानकरी जयंत येवले ठरला. दुसऱ्या सामन्यात सुनील रोहिला(३-५) याच्या शिस्तबद्ध गोलंदाजीच्या जोरावर कु-बिल्ट मास्टर्स संघाने अल्टीमेट ऍडव्हेंचर्स संघाचा ९ गडी राखून पराभव केला.