बेल्हा येथे महास्वच्छता अभियानास सुरुवात

यावेळी ग्रामपंचायत परिसर, प्राथमिक आरोग्य केंद्र, पशुवैद्यकीय दवाखाना, बसस्थानक, मंदिरांचा परिसर, मस्जिद, शाळा-महाविद्यालये, सार्वजनिक शौचालये, कचराकुंड्या यासह संपूर्ण गावात हे महास्वच्छता अभियान राबविले गेले. या अभियानाला नागरिकांनीही उत्स्फूर्त प्रतिसाद दिला. यावेळी प्लास्टिकचा कचरा रस्त्यावर न टाकण्याचेही आवाहन करण्यात आले. अभियानात सरपंच गोरक्षनाथ वाघ, ग्रामविकास अधिकारी बाळासाहेब बेंद्रे, ग्रामपंचायत सदस्य राकेश डोळस, बबन औटी, लिलावती बोरचटे, निकीता भुजबळ, रंजना पिंगट व सर्व ग्रामपंचायत कर्मचारी, आरोग्य कर्मचारी, अंगणवाडी कर्मचारी उपस्थित होते.

प्रदूषण व रोगमुक्त माझा गाव व्हावा या हेतूने व जिल्हा परिषद व पंचायत समिती जुन्नर यांच्या सहकार्याने या महास्वच्छता अभियानास सुरुवात झाली असून, प्रत्येक नागरिकाने आपापले घर व परिसर स्वच्छ ठेवून प्रशासनास सहकार्य करावे असे आवाहन सरपंच गोरक्षनाथ वाघ यांनी केले.