महावितरणच्या उघड्या डिपीचा चिमुकल्याला धक्का; शॉक बसून मुलगा गंभीर जखमी

महावितरणच्या भोंगळ कारभाराने मुलाचा जीव धोक्यात आला होता

चंदननगर : महावितरण विभागाच्या भोंगळ कारभारामुळे वडगावशेरी येथील एका लहानग्याला उघड्या रोहीत्रातील विजेच्या प्रवाहाचा धक्का बसून गंभीर जखमी झाला. आज दुपारी दोनच्या सुमारास वडगाव शेरी येथील आनंद पार्क बस स्टॉपलगत हा प्रकार घडला. अंकुर खंडु बनसोडे(वय-15 वर्ष) रा.गणेशनगर असे या मुलाचे नाव आहे. 

मिळालेल्या माहितीनुसार, आनंद पार्क बस स्टॉपलगत महावितरणचा डीपी उघड्यावर होता. अंकुर त्याठिकाणी गेला असता रोहीत्रातील विजेच्चा धक्का लागून गंभीर जखमी झाला. त्यावेळी बस स्थानकावर उभे असलेले सतिश माने, राहुल दळवी, प्रकाश धोत्रे, दयानंद कांबळे यांनी जखमी मुलाला रूग्णवाहीकेला संपर्क करूनही न आल्याने त्यांनी रिक्षाने खराडीतील खाजगी रूग्णालयात घेऊन गेले. मुलाला पाठीला पायला गंभीर भाजल्याने तेथील सुसनला रूग्णालायत दाखल करण्याच्या सुचना दिल्या तो पर्यंत सतिश माने यांनी मुलाच्या पालकांशी संपर्क करून पालकांना बोलवून घेतले व जखमी मुलाला पुढे हालवले. महावितरणच्या भोंगळ कारभारामुळे मुलाने जीव गमावला असता. पण तातडीने त्याला रुग्णालयात दाखल केल्याने त्याचे प्राण वाचले.