माळेगावमध्ये दोन दिवसांत सहा जणांचा कोरोनामुळे मृत्यू

सहा जणांचा कोरोनामुळे मृत्यू

माळेगाव : माळेगाव व परिसरात गेल्या दोन दिवसांपासून सहा व्यक्तिंचा कोरोनामुळे मृत्यू झाला असून सर्वत्र खळबळ उडाली आहे. स

बारामती शहरापाठोपाठ माळेगाव नगरपंचायत परिसरात कोरोनाचा हाहाकार उडाला आहे. गावात दररोज पाच किंवा दहा पेक्षा जास्त कोरोना रुग्ण आढळून येत आहेत. त्यामुळे कोरोनाचा विळखा अधिकच घट्ट होत चालला आहे, कोरोनाच्या रुग्ण संख्येत झपाट्याने वाढ होत असल्याने माळेगावकरांच्या चिंतेत अधिकची वाढ झालेली पाहायला मिळतेय. नगरपंचायत परिसरात गेल्या दोन दिवसांत सहा जण कोरोनामुळे मृत्युमुखी पडले आहेत. यामधे ज्येष्ठांसह एका युवकाचा समावेश आहे.मृत्यूचे प्रमाण अचानक वाढल्याने सर्वांच्या चिंतेत अधिकच भर पडली आहे. दरम्यान, सर्वांनी आरोग्याची काळजी घ्यावी.कोरोनाला घाबरू नये,मास्क वापरावा,विनाकारण घराबाहेर पडू नये,आपली सुरक्षितता आपल्याच हाती आहे असे आवाहन ग्रामविकास अधिकारी संजय साळुंखे यांनी केले आहे.

--------------------------