भुसारमाल आणि भाजीपाल्याला लाॅकडाऊन फटका बसल्याने बाजारभाव तेजीत

--

दौंंड : दौंड तालुक्यात कृषी उत्पन्न बाजार समितीच्या आवकेला कोरोनाच्या पार्श्वभूमीवरील लाॅकडाऊन फटका बसला असून दौंड आणि केडगाव येथे सर्वच प्रकारची आवक कमी झाल्याने बाजारभाव तेजीत निघाले आहे तर दुसरीकडे लाॕॅकडाऊनमुळे बाजार समितीचा उपबाजार यवत आणि पाटस गेल्या सव्वा महिन्यापासून बंद असल्याने या उपबाजारातील शेतकरी आणि व्यापाऱ्यांची आर्थिक उलाढाल ठप्प झाली आहे.

गेल्या आठवड्यात पालेभाज्यांची आवक स्थिर झाल्याने बाजारभाव तेजीत निघाले तर कोथिंबीर, मेथीची आवक कमी झाल्याने भाव तेजीत होते. दरम्यान टोमॅटो, वांगी, भोपळा, काकडी, कोबी, फ्लाॅवर या भाज्यांची आवक वाढल्याने बाजारभावात घसरण झाली आहे. मिरची, कारली, भेंडी, गवार, दोडक्याचे भाव तेजीत निघाले असल्याची माहिती सभापती भगवान आटोळे, उपसभापती राजू जगताप, सचिव मोहन काटे यांनी संयुक्तरित्या दिली

दौंड कृषी उत्पन्न बाजारात समिती - भाजीपालाचे मालाचे आवक कंसात क्विंटलप्रमाणे : टोमॅटो (१८१) ५० ते १५०, वांगी (७३) ५० ते १५० , दोडका (२९) १०० ते २५०, भेंडी (३४) १२० ते २००, कारली (३३) २०० ते ३००, हिरवी मिरची (६८) २०० ते ३५०, गवार (३१) २०० ते ३००, भोपळा (५२) ३० ते ५०, काकडी (५४) ५० ते १००, शिमला मिरची (३०) २०० ते ३५०, कोबी (३७० गोणी) ६० ते १३०, फ्लाॕॅवर (४४० गोणी) १०० ते १५०, कोथिंबीर (१०३७० जुडी) २०० रुपये शेकडा ते ५०० शेकडा, मेथी (२००० जुडी ५०० ते १२०० शेकडा).

दौंड - शेती मालाचे आवक कंसात क्विंटलप्रमाणे : गहू एफ.ए.क्यू. (१८४) १७०० ते २०००, ज्वारी (१३), १७०० ते २००० बाजरी (६०) १३०० ते १८००, हरभरा (१७) ४६०० ते ४७०० मका (३) १३०० ते १३०० , तूर (४) ५८०० ते ५८०० उपबाजार केडगाव -- गहू (२९४) १७०० ते १९२०, ज्वारी (१०९) २५०० ते ३१००, बाजरी (८५). १४ ०० ते १६००, हरभरा (५८) ४५०० ते ५१००, मका लाल पिवळा (२८) १३०० ते १६००, चवळी (३३) ८००० ते ८५००, मूग (४२) ७७०० ते ८१०० , तूर (७) ४५०० ते ५७००, लिंबू (३८) ५५१ ते ९०१.

[ चौकट ]

(केडगावला कांद्याची उच्चांकी आवक)

उपबाजार केडगाव येथे पाच हजार दोनशे क्विंटल अंतर्गत अकरा हजार कांद्याच्या गोण्यांची आवक झाल्याने ४०० ते १५०० प्रतिक्विंटल बाजारभाव निघाला. केडगाव येथे गेल्या पंधरवड्यात नव्याने कांद्याचे लिलाव सुरू झाल्याने व्यापारी आणि शेतकरीवर्गात समाधान व्यक्त केले जात आहे.