Pune: कर्वेनगरमध्ये अल्पवयीन मुलीवर तोंड दाबून बलात्कार, पीडिता गराेदर राहिल्यानंतर प्रकार उघड

मागील चार महिने तिला ब्लॅकमेल करत जबरदस्तीने शारीरिक संबंध ठेवत गराेदर केल्याचा धक्कादायक प्रकार घडला आहे...

पुणे : कर्वेनगर भागातील ओळखीच्या असलेल्या तरुणाच्या घरी गेलेल्या १६ वर्षीय अल्पवयीन मुलीवर तोंड दाबून जबरदस्तीने बलात्कार केला. त्यानंतर मागील चार महिने तिला ब्लॅकमेल करत जबरदस्तीने शारीरिक संबंध ठेवत गराेदर केल्याचा धक्कादायक प्रकार घडला आहे. याप्रकरणी साहील भरत सावंत (रा. लेन नं. १०, घर नं. ४६, रायगड कॉलनी, कर्वेनगर) याच्यावर पोलिसांनी बलात्कारासह पोक्सो अंतर्गत गुन्हा दाखल केला आहे.

वारजे माळवाडी पोलिस ठाण्यात याप्रकरणी पीडित मुलीने आराेपी साहील विराेधात तक्रार दाखल केली आहे. सदर मुलगी व आराेपी हे एकमेकांचे ओळखीचे आहेत. कामानिमित्त मुलगी आराेपीच्या घरी गेली हाेती. त्यावेळी आराेपीने तिचे ताेंड दाबून तिच्यासाेबत घरातच जबरदस्तीने शारीरिक संबंध केले. त्यानंतर याबाबत काेणाला काही सांगितल्यास जिवे मारण्याची धमकी देखील आराेपीने दिली. त्यानंतर मुलगी गराेदर राहिल्याने सदरचा प्रकार उघडकीस आला. या प्रकरणाचा पुढील तपास पोलिस उपनिरीक्षक जाधव या करत आहेत.

रिक्षा चालकाकडून तरुणीचा विनयभंग..

कामानिमित्त पुण्यातील खराडी परिसरात राहणारी २३ वर्षीय तरुणी वाघाेली परिसरातील रिलायन्स डिजिटल शाॅप समाेरून एका अनाेळखी रिक्षा चालकासाेबत रिक्षाने जात हाेती. त्यावेळी रिक्षाचालकाने तरुणीची मान पकडून त्याच्याकडे खेचून तिच्याशी जबरदस्ती करण्याचा प्रयत्न केला. त्यावेळी तरुणीने आरडाओरड केला व रिक्षाचालकास जाेरात ढकलून दिले. त्यानंतर तरुणीने रिक्षातून खाली उतरून मदतीसाठी लाेकांना थांबवण्याचा प्रयत्न केला. परंतु काेणी थांबले नाही, त्यानंतर रिक्षाचालक आराेपीने पुन्हा तिचा हात धरून तिला रिक्षात ओढून नेले व तिचा विनयभंग केला. याप्रकरणी लाेणीकंद पोलिस ठाण्यात अनाेळखी रिक्षाचालकाविराेधात गुन्हा दाखल करण्यात आला आहे.