2 अल्पवयीन सख्या मावस बहिणींवर सामूहिक बलात्कार; व्हिडिओ शुटिंगही केले, आंबेगाव तालुक्यातील धक्कादायक घटना

अल्पवयीन मुलांना बालसुधारगृह तर इतर तिघांना पोलीस कोठडी देण्यात आली आहे

मंचर: दोन अल्पवयीन सख्या मावस बहिणीवर सामूहिक बलात्कार केल्याची घटना पारगाव कारखाना पोलीस ठाण्याच्या हद्दीत घडली आहे. बलात्काराचे चित्रीकरण करण्यात आले. याप्रकरणी दोन अल्पवयीन मुलांसह इतर तिघाविरोधात गुन्हा दाखल झाला आहे.

पारगाव कारखाना पोलिसांनी दिलेल्या माहितीनुसार पीडित मुलीच्या आईने फिर्याद दिली आहे. दोन अल्पवयीन सख्या मावस बहिणीवर सामूहिक बलात्कार करून अत्याचार करण्यात आला आहे. दोन्ही अल्पवयीन मुली घरी एकट्याच होत्या. त्यावेळी दोन अल्पवयीन मुले तसेच अवधूत राजू पंचरास ,कुणाल कैलास बोराडे हे घरी आले. त्यांनी या बहिणीवर बलात्कार केला. सदर अल्पवयीन मुलींनी विरोध केला असता त्यांना हाताने मारहाण करून जीवे मारण्याची धमकी देण्यात आली. 

अल्पवयीन मुलगा बलात्कार करत असताना कुणाल बोराडे याने त्याच्या जवळील मोबाईल मधून घराबाहेरच्या खिडकीतून शूटिंग केले. महेश तांबे याने एका पीडीतेला सदर व्हिडिओ दाखवून दुसऱ्या पीडीतेला पुलाजवळ पाठवून दे असे सांगितले व तिच्या मनाला लज्जा उत्पन्न होईल असे वर्तन केले. पीडित मुलीच्या आईने फिर्याद दिल्यानंतर पोलिसांनी अवधूत राजू पंचरास, कुणाल कैलास बोराडे , महेश शुभम तांबे तसेच दोन अल्पवयीन मुले यांच्या विरोधात बलात्कार तसेच बालकांचे लैंगिक अपराधापासून संरक्षण अधिनियम 2012 प्रमाणे गुन्हा दाखल केला आहे. माहिती तंत्रज्ञान अधिनियमच्या कलमाखालीही गुन्हा दाखल झाला आहे. यातील अल्पवयीन मुलांना बाल सुधार गृहात पाठवण्यात आले आहे. तर अवधूत राजू पंचराज, कुणाल कैलास बोराडे व महेश सुभाष तांबे यांना अटक करून न्यायालयात हजर केले असता त्यांना शुक्रवारपर्यंत पोलीस कोठडी मिळाली आहे अशी माहिती सहाय्यक पोलीस निरीक्षक नेताजी गंधारे यांनी दिली. या प्रकरणाचा पुढील तपास पोलीस निरीक्षक अरुण फुगे करत आहेत.