वारजेमध्ये बहुतेक पोलीस निगेटिव्ह

पोलीस आयुक्तांच्या आदेशानुसार आज येथील कै. अरविंद बारटक्के दवाखान्यात शुक्रवारी तीनही पोलीस ठाण्यातील सुमारे ८० पोलिसांच्या चाचण्या झाल्या. यात वारजे माळवाडी पोलीस ठाण्याच्या ३५ कर्मचारी व ६ अधिकारी यांच्या चाचण्या झाल्या व सर्वचे सर्व निगेटिव्ह आल्याची माहिती वरीष्ठ निरीक्षक शंकर खटके यांनी लोकमतला दिली.

तर उत्तमनगर पोलीस ठाण्यातील एकूण ३२ चाचण्यांपैकी एक जण पॉझिटिव्ह आल्याची माहिती वरिष्ठ निरीक्षक वैशाली चांदगुडे यांनी दिली.

या पोलिसांच्या अचानक आलेल्या ड्राइव्हमुळे टेस्ट साठी आलेल्या सामान्य रुग्णांना मात्र दुपार पर्यन्त ताटकळत राहावे लागले. दुपारी पोलिसांच्या चाचण्या झाल्यावर सामान्य रुग्णांच्या चाचणीला सुरुवात झाली. यात अनेक रुग्ण दुपारच्या जेवणसाठी निघून गेल्याने व परत आल्याने त्यांच्या चाचण्या उद्या पर्यंत पुढे ढकलले असल्याची माहिती येथील स्वॅब सेंटरचे डॉ.यार्डी यांनी दिली.

फोटो:- पोलिसांच्या चाचण्या झाल्यावर सामान्य रुग्णांची चाचणीसाठी गर्दी झाली होती.