MPSC Exam: अभ्यास करताय ना? एमपीएससी २०२४ परीक्षांचे वेळापत्रक जाहीर

यासाेबतच गट-ब व गट-क सेवा संयुक्त परीक्षा दि. १६ जून राेजी हाेणार आहे...

पुणे :महाराष्ट्र लोकसेवा आयोगामार्फत (एमपीएससी) २०२४ मध्ये घेण्यात येणाऱ्या विविध स्पर्धा परीक्षांचे अंदाजित वेळापत्रक जाहीर केले आहे. त्यानुसार महाराष्ट्र राजपत्रित नागरी सेवा संयुक्त पूर्वपरीक्षा दि. २८ एप्रिल राेजी, तर मुख्य परीक्षा डिसेंबर महिन्यात हाेईल. यासाेबतच गट-ब व गट-क सेवा संयुक्त परीक्षा दि. १६ जून राेजी हाेणार आहे.

आयोगामार्फत प्रसिद्ध केलेल्या अंदाजित वेळापत्रकानुसार दिवाणी न्यायाधीश कनिष्ठ सर्व न्याय दंडाधिकारी प्रथम वर्ग पूर्व परीक्षा दि. १७ मार्चला हाेणार आहे. अराजपत्रित गट ब मुख्य परीक्षा २९ सप्टेंबर, सहाय्यक मोटार वाहन निरीक्षक मुख्य परीक्षा २६ ऑक्टाेबर, महाराष्ट्र गट-क सेवा मुख्य परीक्षा दि. १७ नाेव्हेंबर, अन्न व औषध प्रशासकीय सेवा मुख्य परीक्षा दि. ९ नाेव्हेंबर, महाराष्ट्र विद्युत व यांत्रिकी, अभियांत्रिकी सेवा मुख्य परीक्षा दि. १० नाेव्हेंबर, महाराष्ट्र कृषी सेवा मुख्य परीक्षा दि. १० नाेव्हेंबर, महाराष्ट्र यांत्रिकी अभियांत्रिकी सेवा मुख्य परीक्षा आणि महाराष्ट्र विद्युत अभियांत्रिकी सेवा मुख्य परीक्षा तसेच महाराष्ट्र स्थापत्य अभियांत्रिकी सेवा मुख्य परीक्षा दि. २३ नाेव्हेंबर, निरीक्षक वैधमापक शास्त्र मुख्य परीक्षा दि. १ डिसेंबर, महाराष्ट्र वनसेवा मुख्य परीक्षा दि. २८ ते ३१ डिसेंबर या कालावधीत हाेईल, असे नमूद केले.

परीक्षांचे वेळापत्रक अंदाजित असून त्यामध्ये बदल होऊ शकतो. काही बदल झाल्यास त्याबाबतची माहिती आयोगाच्या संकेतस्थळावर वेळोवेळी प्रसिद्ध करण्यात येणार आहे. उमेदवारांनी अधिक माहितीसाठी आयोगाच्या www.mpsc.gov.in या संकेतस्थळाला भेट द्यावी, असे आवाहन महाराष्ट्र लोकसेवा आयोगातर्फे करण्यात आले आहे.