महावितरणने सक्तीची वीज बिल वसुली थांबवावी - हर्षवर्धन पाटील

पाटील म्हणाले की, शेतकऱ्यांना मदत करणे ही शासनाची भूमिका असायला हवी, मात्र महाविकास आघाडी सरकार हे सध्या अडचणीत असलेल्या शेतकऱ्यांची वीज खंडित करीत आहे. या सरकारमधील विविध पक्षांनी संपूर्ण कर्जमाफी व मोफत विजेचे आश्वासन दिले होते. परंतु या शब्दाला जागणे दूरच उलट वीज रोहित्रे बंद करून शेती पंपांचा वीजपुरवठा खंडित केला जात आहे. महाविकास आघाडी सरकार हे फसवे सरकार आहे. सध्या अडचणीत असलेल्या शेतकऱ्यांवर हा अन्याय आहे.

कोरोना, अतिवृष्टीमुळे शेती नुकसानीत जाऊन शेतकरी वर्ग आर्थिकदृष्ट्या अडचणीत आला आहे. अशा अडचणीतही या मोहिमेत आजपर्यंत अनेक शेतकऱ्यांनी वीज बिलाची रक्कम भरलेली आहे. त्यामुळे आता शेतकऱ्यांना आणखी त्रास न देता महाविकास आघाडी सरकारने तत्काळ निर्णय घेऊन शेतीचा वीजपुरवठा पूर्ववत करावा, असे हर्षवर्धन पाटील यांनी सांगितले.

--