Pune Crime: दारू पिण्याच्या कारणावरून दिवे येथे एकाचा खून
By ऑनलाइन लोकमत | Published: January 26, 2022 10:51 AM2022-01-26T10:51:56+5:302022-01-26T10:57:56+5:30
तीक्ष्ण हत्याराने डोक्यात, तोंडावर वार करून खून...
Pune Crime: दारू पिण्याच्या कारणावरून दिवे येथे एकाचा खून
Next सासवड: दिवे (ता.पुरंदर) येथील भापकरमळा येथे दारू पिण्याच्या कारणावरून झालेल्या भांडणाचा राग मनात धरून एकाचा खून करण्यात आला आहे. या बाबत सासवड पोलिसात मयताच्या पत्नीने फिर्याद दिली असून पोलिसांनी या संदर्भात भारतीय दंड विधान कलम ३०२व ३४ नुसार गुन्हा दाखल केला आहे.
याबाबत पोलिसांनी दिलेली माहितीनुसार, या बाबत लता अशोक भापकर यांनी सासवड पोलीस स्टेशनला तक्रार दाखल केली आहे. त्यांनी दिलेल्या तक्रारी नुसार आरोपी संजय बबन भापकर व किरण झेंडे (दोघे रा.दिवे ता.पुरंदर) यांनी अशोक लक्ष्मण भापकर (वय ५६ रा.भापकर मळा) याचा धारदार शस्त्राने खून केला आहे. दि २४ जानेवारी २०२२ रोजी रात्री १२:३० वाजण्याच्या सुमारास भापकर मळा येथे फिर्यादीच्या घराजवळ तिचे पती अशोक लक्ष्मण भापकर यांना संजय बबन भापकर व किरण झेंडे यांनी काळेवाडीच्या ढाब्यावर झालेल्या भांडणाचे कारणावरून घरी येऊन पतीला बाहेर बोलावले आणि तीक्ष्ण हत्याराने डोक्यात, तोंडावर वार करून त्यांचा खून केला.
घटनेनंतर घटनास्थळाला सासवड भोर उपविभागीय पोलिस अधिकारी धनंजय पाटील यांनी भेट दिली आहे. तर पुढील तपास सासवड पोलिस स्टेशनचे पोलीस निरीक्षक अण्णासाहेब घोलप हे करीत आहेत.