कोंढव्यात नायजेरियन कोकेन तस्कराला अटक

पुणे : अमली पदार्थांची तस्करी करणा-या नायजेरियन तस्कराला गुन्हे शाखेच्या अमली पदार्थविरोधी पथकाने अटक केली. त्याच्याकडून ४ लाख १६ हजार रुपयांचे कोकेन जप्त करण्यात आले आहे.

शमसुद्दीन ओमोटोला हसन (वय ४८, रा. पिसोळी, मूळ नायजेरिया) असे अटक केलेल्या तस्कराचे नाव आहे. त्याच्याकडून ५२ ग्रॅम कोकेन, ५ मोबाईल, इलेक्ट्रॉनिक्स वजन काटा, मोटारसायकल असा ५ लाख २ हजारांचा माल जप्त केला आहे.

अमली पदार्थविरोधी पथक पिसोळी येथील ब्रुक फिल्ड सोसायटीच्या गेटसमोर पहाटे तीनच्या सुमारास एक व्यक्ती उभी असल्याचे आढळून आले. त्याची झडती घेतली असता त्याच्याकडे ५२ ग्रॅम कोकेन आढळून आले. ही कामगिरी वरिष्ठ पोलीस निरीक्षक विनायक गायकवाड, सहायक पोलीस निरीक्षक लक्ष्मण ढेंगळे, पोलीस अंमलदार प्रवीण शिर्के, सुजित वाडेकर, मारुती पारधी यांच्या पथकाने केली.