पळसदेव येथे अपघातात एकाचा मृत्यू

संजय शामराव येडे (वय ४८, रा. पळसदेव (येडे वस्ती) ता. इंदापूर, जि. पुणे) असे मृत्यू झालेल्याचे नाव असल्याची माहिती इंदापूर पोलिसांनी दिली. याबाबतची फिर्याद विशाल महादेव येडे (वय २८, रा. पळसदेव येडे वस्ती) यांनी इंदापूर पोलीस ठाण्यात दिली. फिर्यादीत म्हटले आहे की, मंगळवारी सकाळी संजय शामराव येडे हे दुचाकी (क्रमांक एमएच ४२/ एव्ही १९३६)वरून पुणे बाजूकडे घरी जात असताना येडेवस्ती बसस्टॉपनजीक पाठीमागून कार (क्रमांक एमएच १२/एसवाय ५४८१) या गाडीने जोराची धडक दिल्याने अपघात घडला. जखमीला खासगी वाहनाने तत्काळ उपजिल्हा रुग्णालय इंदापूर येथे उपचारार्थ दाखल करून वैद्यकीय तपासणी करण्यात आली. यावेळी डॉक्टरांनी त्यांना मृत घोषित केले. कार चालकाविरुद्ध इंदापूर पोलिसांत गुन्हा दाखल झाला आहे.

—————————————————————

फोटो ओळी : पळसदेव येथे कार व दुचाकीच्या अपघातातील नुकसानग्रस्त दुचाकी.

२२०६२०२१-बारामती-२४

————————————————

फोटो ओळी : मयत संजय शामराव येडे

२२०६२०२१-बारामती-२३

————————————————