बिबवेवाडी परिसरात डोक्यात दगड घालून एकाचा खून

दोघांमध्ये किरकोळ वाद झाला असताना नशेच्या धुंदीत सुरक्षा रक्षकाने एकाच्या डोक्यात दगड घातला

बिबवेवाडी : बिबवेवाडी परिसरातील उप्पर डेपो जवळ एका युवकाचा निर्घृण खून झाल्याची घटना सोमवारी सकाळच्या वेळी घडली आहे. बसवराज गजेंद्र वय (25 रा. आंबेडकर नगर, मार्केट यार्ड, गल्ली नंबर 4) असे खून झालेल्या व्यक्तीचे नाव आहे. आतिश शिरसाट (25 रा. आंबेडकर नगर, मार्केट यार्ड) याला अटक करण्यात आली आहे. 

अप्पर डेपो जवळ नवीन बांधकाम सुरु असणाऱ्या इमारतीचा सुरक्षा रक्षक आतिश शिरसाट आणि त्याचा मित्र बसवराज गजेंद्र यांच्यात रात्री पार्टी झाली. आज धुलीवंदनच्या दिवशी सकाळी 8 च्या सुमारास त्या दोघांमध्ये काही वाद झाला, वादाचे रूपांतर भांडणात झाले व नशेच्या धुंदीत मित्राच्या डोक्यात सुरक्षा रक्षकाने दगड घालून खून केला अशी प्राथमिक माहिती मिळत आहे. आरोपीस बिबवेवाडी पोलिसांनी अटक केली असून पुढील तपास सुरु असल्याचे बिबवेवाडी पोलीस स्टेशन चे पोलीस निरीक्षक पाटणकर यांनी सांगितले. घटना स्थळी सहा. पोलीस निरीक्षक प्रवीण काळूखे व टीम अधिकचा तपास करत आहेत.