आजारी असतानाही बापटांना प्रचारात उतरवण्याचे काम निर्दयी माणूसच करू शकतो; सुषमा अंधारे

देवेंद्र फडणवीस यांना काळीज असण्याची दूरदूरपर्यंत शक्यता नाही

पुणे : कसबा विधानसभा मातंद्रा संघातील महाविकास आघाडीचे उमेदवार रवींद्र धंगेकर यांच्या प्रचारार्थ सभेसाठी आघाडीच्या नेत्या सुषमा आंद्रे आल्या होत्या. यावेळी त्यांनी मुखयमंत्री एकनाथ शिंदेची खिल्ली उडवण्याबरोबरच देवेंद्र फडणवीस आणि चंद्रकांत पाटील यांच्यावर सडकून टीका केली आहे. 

अंधारे म्हणाल्या, देवेंद्र फडणवीसांनी गिरीश बापट यांना बाहेरच्या हवेत श्वास घेताना त्रास होत असतानाही त्यांना प्रचारात उतरवले. गिरीश बापट यांच्या नाकात नळ्या होत्या, त्यांना बाहेरच्या हवेत श्वास घेण्यास त्रास होतो, हे माहीत असतानाही त्यांना प्रचारात उतरवण्याचे काम निर्दयी आणि निष्काळजी माणूसच करू शकतो. देवेंद्र फडणवीस यांना काळीज असण्याची दूरदूरपर्यंत शक्यता नाही. असेच मुक्ता टिळक यांच्याबाबत झाले. जेव्हा विधानपरिषदेच्या निवडणुका होत्या, तेव्हा लक्ष्मण जगताप आणि मुक्ता टिळक यांना अतिदक्षता विभागातून बाहेर काढून मुंबईत मतदानासाठी नेण्यात आले. हे करताना देवेंद्र फडणवीस यांना जराही माणुसकी वाटली नाही. 

चंद्रकांत पाटील बाबासाहेब आंबेडकरांनी भीक मागितल्याची भाषा करतात. चंद्रकांत पाटील यांना कोल्हापूरमधून कोणी काय दिलं? तुम्ही कोथरूडमध्ये आलात आणि मेधाताई कुलकर्णी यांच्याकडून त्यांचा मतदारसंघ मागून घेतला. यानंतर त्यांनी मेधाताई कुलकर्णी यांना काय भाऊबीज दिली, असा सवाल सुषमा अंधारे यांनी विचारला.

माणसाने आपला स्वाभिमान किती गहाण ठेवावा

 आमचे एकनाथ भाऊ काल म्हणाले की, अमित शाह आम्हाला वडिलांसारखे आहेत. एकनाथ भाऊंचं वय ५९ आहे, अमित शाह यांचं वय ५८ आहे. मी विचार करतेय की, ५८ वर्षांच्या माणसाला ५९ वर्षांचा मुलगा कसा झाला. माणसाने आपला स्वाभिमान किती गहाण ठेवावा, असा सवाल सुषमा अंधारे यांनी उपस्थित केला.