धनकवडीमध्ये ऑक्सिजन बेडदान मोहीम

धनकवडी येथील आदर्श मित्र मंडळाच्या वतीने पंचवटी सोसायटी व दत्तवाडी पोलिसांच्या माध्यमातून आॅक्सिजन बेड दान मोहीम राबवत येत आहे.

पंचवटी सोसायटीतर्फे रा. स्व. संघ जनकल्याण समितीद्वारे आणि सह्याद्री हाॅस्पिटलच्या सहकार्याने कर्वे रोड येथील एमईएस गरवारे महाविद्यालय येथे २८ बेड व २ ऑक्सिजन बेड कोविड केअर सेंटरला देण्यात आले आहेत. तसेच डॉक्टर रणजित निकम ह्यांच्या आयसोलेशन सेंटरसाठी २ ऑक्सिजन बेड व ३० साधे बेड उपलब्ध करून देण्यात आले आहेत. त्याचबरोबर गणेश कला क्रीडा केंद्र येथील आयसोलेशन सेंटरला २ मेडिसिन ट्रॉली भेट देण्यात आल्या आहेत. या उपक्रमासाठी पंचवटी सोसायटीतील मान्यवर व्यक्तींनी बहुमुल्य मदत आणि योगदान दिले आहे. दत्तवाडी पोलीस स्टेशनचे वरिष्ठ पोलीस निरीक्षक कृष्णा इंदलकर यांच्या मार्गदर्शनाखाली हा उपक्रम राबविला जात आहे.

कोट

ऑक्सिजन बेडसाठी सातत्याने विचारणा होत. परंतु वाढत्या रुग्णसंख्ये मुळे ऐनवेळेला बेड उपलब्ध होऊ शकत नाहीत. म्हणून आपण सर्वांनी शक्य होईल तितकी मदत आणि सहकार्य केले तर आपण अधिक संख्येने ऑक्सिजन बेड उपलब्ध करून देऊ शकतो आणि कोरोनाग्रस्त रुग्णांचे प्राण वाचवू शकतो. एक बेड उपलब्ध करून दिल्यास दहा रुग्णांचे प्राण वाचू शकतील. मी स्वतः सात ऑक्सिजन बेड उपलब्ध करून या मोहिमेला सुरुवात केली आहे.

उदय जगताप, अध्यक्ष, आदर्श मित्र मंडळ