Pedestrian Day: लक्ष्मी रस्त्यावर साेमवारी वॉकिंग प्लाझा, वाहनांना ‘नाे एन्ट्री’; बसच्या मार्गातही बदल
By भाग्यश्री गिलडा | Published: December 9, 2023 06:56 PM2023-12-09T18:56:46+5:302023-12-09T18:57:56+5:30
वॉकिंग प्लाझा संपल्यानंतर सर्व बस पूर्ववत मार्गाने संचलनात राहतील, असे पीएमपी प्रशासनाकडून स्पष्ट करण्यात आले आहे....
Pedestrian Day: लक्ष्मी रस्त्यावर साेमवारी वॉकिंग प्लाझा, वाहनांना ‘नाे एन्ट्री’; बसच्या मार्गातही बदल
पुणे : पादचारी दिनाचे औचित्य साधून पुणे महापालिकेकडून सोमवारी (दि. ११) लक्ष्मीरोडवर (उंबऱ्या गणपती चौक ते गरूड गणपती चौक) वॉकिंग प्लाझा करण्यात येणार आहे. त्यामुळे लक्ष्मीरोडवरून संचलनात असलेल्या बसच्या मार्गात सकाळी १० ते संध्याकाळी ७ वाजेपर्यंत बदल करण्यात येणार आहे. वॉकिंग प्लाझा संपल्यानंतर सर्व बस पूर्ववत मार्गाने संचलनात राहतील, असे पीएमपी प्रशासनाकडून स्पष्ट करण्यात आले आहे.
असा असेल वाहतुकीत बदल :
- बस मार्ग क्र. ७ व ९ अटल पुण्यद्शम हे मार्ग बंद राहील.
- बस मार्ग क्र. ५५, ५८, ५९ हे बस मार्ग शनिपारकडे येताना कुमठेकररोडमार्गे नियमित मार्गाने आणि शनिपारकडून जाताना अ. ब. चौक, नारायण पेठ, अलका टॉकिज चौकातून पुढे नियमित मार्गाने संचलनात राहतील.
- बस मार्ग क्र. ५७ या मार्गावरील बस पुणे स्टेशनकडून जाताना बस मार्ग क्रं ९४ ने नारायणपेठ मार्गे अलका टॉकीज चौक व पुढे नियमित मार्गाने संचलनात राहतील.
- बसमार्ग क्र. ८१, १४४, १४४ अ, १४४ क व २८३ या मार्गावरील बस पुणे स्टेशनकडे जाताना नियमित मार्गाने व पुणे स्टेशनकडून येताना मनपामार्गे संचलनात राहतील.
- बसमार्ग क्र. १७४ या मार्गावरील बस पुणे स्टेशनकडून एनडीएकडे जाताना सिटी पोस्टपर्यंत नियमित मार्गाने व पुढे सिटी पोस्ट चौकातून डावीकडे वळून स्वारगेट, सारसबाग, टिळकरोड, डेक्कन कॉर्नर व पुढे नियमित मार्गाने एनडीएकडून पुणे स्टेशनकडे येताना सदर मार्गावरील बस नियमित मार्गाने संचलनात राहतील.
- बस मार्ग क्र. १९७ व २०२ या मार्गावरील बसेस हडपसरकडून कोथरूड डेपो /वारजे माळवाडीकडे जाताना सिटी पोस्टपर्यंत नियमित मार्गाने व पुढे सिटी पोस्ट चौकातून डावीकडे वळून स्वारगेट, सारसबाग, टिळकरोड, डेक्कन कॉर्नर व पुढे नियमित मार्गाने कोथरूड डेपो वारजे माळवाडीकडून हडपसरकडे येताना सदर मार्गावरील बस नियमित मार्गाने संचलनात राहतील.
- बस मार्ग क्र. ६८ या मार्गावरील बसेस अप्पर डेपोकडे जाताना नियमित मार्गाने व अप्पर डेपो कडून सुतारदराकडे येताना टिळकरोड मार्गे संचलनात राहतील.
दर तीस मिनिटांनी फेऱ्या :
'वॉकिंग प्लाझा' कार्यक्रमासाठी येणाऱ्या नागरिकांच्या सोयीसाठी नगरकर तालीम चौक (नूमवि चौक)- बाजीराव रोड-मनपा-नगरकर तालीम चौक (नूमवि चौक) या मार्गावर ३० मि. वारंवारीतेने, स्वारगेट-उंबऱ्या गणपती चौक - स्वारगेट या मार्गावर ४० मि. वारंवारीतेने व डेक्कन-उंबऱ्या गणपती चौक - डेक्कन या मार्गावर ३० मि. वारंवारीतेने जादा बसचे नियोजन केले आहे. शिवाजीनगर सिव्हिल कोर्ट मेट्रो स्टेशन येथून येणाऱ्या नागरिकांच्या सोयीसाठी बसमार्ग क्र. २ शिवाजीनगर रेल्वे स्टेशन ते स्वारगेट या मार्गावरील बसेस सिव्हिल कोर्ट मेट्रो स्टेशन मार्गे ४ मि. वारंवारीतेने संचलनात ठेवण्यात येणार आहेत.