पादचारी महिलेचे मंगळसूत्र हिसकावले

पुणे : पतीसमवेत रस्त्याने पायी जात असलेल्या महिलेच्या गळ्यातील ८७ हजार रुपयांचे सोन्याचे मंगळसुत्र दुचाकीवरील चोरट्यांनी हिसकावून नेले. ही घटना बिबवेवाडी परिसरातील महेश सोसायटीत रविवारी दुपारी १२ वाजण्याच्या सुमारास घडली.

याप्रकरणी ७७ वर्षाच्या ज्येष्ठ महिलेने बिबवेवाडी पोलिसांकडे फिर्याद दिली आहे़ फिर्यादी या रविवारी दुपारी आपल्या पतीसमवेत रस्त्याने पायी जात होत्या. दुचाकीवरुन आलेल्या दोघा चोरट्यांनी त्यांच्या गळ्यातील मंगळसुत्र हिसकावून नेले.

..........

दुचाकीस्वाराने सोनसाखळी हिसकाविली

पुणे : विमाननगर श्रीकृष्ण चौकातील बसस्थांब्यावर बसची वाट पाहत थांबलेल्या प्रवाशाच्या गळ्यातील २० हजार रुपयांची सोनसाखळी दुचाकीस्वार चोरट्यांनी हिसकावली. ही घटना रविवारी सकाळी पावणे अकराच्या सुमारास घडली. याप्रकरणी, ताराचंद हरिभाऊ खंडागळे (वय ४७, रा. यमुनानगर) यांनी फिर्याद दिली आहे.

खंडागळे हे त्यांच्या मुकुंदनगर येथील साईटवर जाण्यासाठी श्रीकृष्ण चौकातील बसथांब्यावर वाट पाहत थांबले होते. त्यावेळी दुचाकीवरुन आलेल्या दोघा चोरट्यांनी ते साहेब असल्याचे भासवत तु आमच्या साहेबांची डायरी चोरी केली आहे असे म्हणत, खंडागळे यांच्या गळ्यातील सोनसाखळी हिसकावून पळ काढला. पुढील तपास विमानतळ पोलिस करत आहेत.