Video: पिंपरीत भरस्त्यात पत्नीचा गळा दाबून रस्त्यावर आपटले; धक्कादायक प्रकार सिसिटीव्हीत कैद

पिंपरीच्या निगडी येथे घरातील भांडणातून पतीने पत्नीचा भररस्त्यात गळा दाबून रस्त्यावर आपटल्याचा धक्कादायक प्रकार सिसिटीव्हीत कैद झाला आहे

पुणे : पिंपरीच्या निगडी येथे घरातील भांडणातून पतीने पत्नीचा भररस्त्यात गळा दाबून रस्त्यावर आपटल्याचा धक्कादायक प्रकार सिसिटीव्हीत कैद झाला आहे. ही घटना दोन जानेवारी रोजी सकाळी दहाच्या सुमारास घडली. या प्रकरणी निगडी पोलिसांनी मध्यस्थी करत दोघांना पोलीस ठाण्यात बोलावले. पत्नीला पती विरोधात तक्रार आहे का? विचारण्यात आले. मात्र पत्नीने तक्रार देण्यास नकार दिला. दरम्यान, कौटुंबिक वादातून भांडण झाल्याने त्यांचं समुपदेशन करून त्यांना सोडून देण्यात आले आहे. 

 महिला सुरुवातीला पायी रस्त्याने चालताना दिसत आहे. तर पती त्याच्या लाल रंगाच्या स्कुटीसोबत पुढे येऊन थांबलेला दिसतो आहे. आपल्या पत्नीला मागून येताना पाहून गाडीवरून उतरून त्याच क्षणी तो तिच्या मागे पळू लागतो. यावेळी तो पत्नीचा थेट गळा दाबतो. त्यानंतर तिला जोरात खाली आपटतो. यावेळी तो आपल्या पत्नीला रस्त्यावर लोळवतो. हा सर्व प्रकार सीसीटीव्ही अतिशय अचूकपणे कैद झाला आहे. विशेष म्हणजे ज्या ठिकाणी हे सर्व घडतंय तो चांगल्याच वर्दळीचा रस्ता दिसतोय. रस्त्याने गाड्यांची ये-जा सुरु आहे. भर दिवसा हा सगळा प्रकार घडला.

पिंपरीत भररस्त्यात पतीने पत्नीला गळा दाबून रस्त्यावर आपटले#Pune#marriagepic.twitter.com/BIp3xivSk2

— Lokmat (@lokmat) January 6, 2022

पती पत्नीच्या भांडणात होतीये वाढ 

आधुनिक युगात किरकोळ कारणावरून पती - पत्नीच्या भांडणांमध्ये वाढ होता दिसून येत आहे. अनेक जण तर कुठलाही विचार न करता विभक्त होण्याचा निर्णय घेऊ लागले आहेत. तर काही ठिकाणी या वादामुळे पती अथवा पत्नीकडून रागाच्या भरात टोकाची पाऊले उचलली जात आहेत. अशा वेळी मारहाण, आत्महत्या असे अनेक प्रकारहि समोर येऊ लागले आहेत.