दत्तक सप्ताहा निमित्त पोलीस अधिकारी, कर्मचारी कार्यशाळा

पुणे : महाराष्ट्र शासन, महिला बाल विकास विभाग, जिल्हा महिला व बाल विकास अधिकारी व जिल्हा बाल संरक्षण कक्ष यांच्या वतीने मंगळवार (दि.24 ) रोजी पुणे पोलिस आयुक्त कार्यालय येथे शहरातील 30 पोलिस स्टेशन मधील विशेष बाल पोलिस पथकातील अधिकाऱ्यांसाठी सकाळी ११.३० ते दुपारी २ वाजेपर्यंत कार्यशाळा घेण्यात आली. .

या कार्यशाळेसाठी सहाय्यक पोलीस आयुक्त सुरेंद्र देशमुख , सहाय्यक आयुक्त मनीषा बिरारीस, जिल्हा महिला व बालविकास अधिकारी अश्विनी कांबळे हे प्रमुख पाहुणे म्हणूण उपस्थित होते.

या कार्यशाळेत जुव्हेंनाइल जस्टीस केअर अँड प्रोटेक्शन ऍक्ट 2015 व विशेष बाल पोलिस पथकाची भूमिका या विषयावर परम आनंद, जिल्हा बाल संरक्षण अधिकारी यांनी मार्गदर्शन केले. दत्तक संस्था व बालगृहतील मुलांच्या प्रवेशाबाबत विशेष बालपोलिस पथकाची भूमिका यावर सगुणा फरांदे प्रोग्रॅम डायरेक्टर भारतीय समाज सेवा केंद्र यांनी मार्गदर्शन केले. तर दत्तक संस्थेतील व बालगृहतील मुलांची कायदेशीर दत्तक प्रक्रिया यावर शर्मिला सय्यद - प्रमुख प्रशासकीय अधिकारी सोफोश यांनी मार्गदर्शन केले.

.