अमली पदार्थांचा चार लाखांचा मुद्देमाल पाेलिसांनी केला जप्त

पिंपरी : चरससह गांजाचा साठा जप्त करण्यात आला. या प्रकरणी सहा आरोपींना अटक करण्यात आली असून, त्यांच्याकडून चार लाख २९ हजार ७५० रुपयांचा मुद्देमाल जप्त केला. पिंपरी-चिंचवड पोलिसांच्या अमली पदार्थविरोधी पथकाने गुरुवारी (दि. ८) बावधन येथे ही कारवाई केली.

प्रशांत अनिल माळी (वय ३०), तेजस पुनमचंद डांगी (वय २६), सुजित गोरख दगडे (वय २३), राहूल कवडे, समीर शेख (सर्व रा. बावधन बुद्रुक, ता. मुळशी), ओमकार राजेंद्र नगरकर (वय २२, रा. रविवार पेठ, पुणे), अशी अटक करण्यात आलेल्या आरोपींची नावे आहेत. उपनिरीक्षक राजेंद्र गोविंद महाडिक (वय ५४) यांनी हिंजवडी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, आरोपी माळी आणि नगरकर यांच्या ताब्यातील दुचाकीमधून २९८ ग्रॅम गांजा आणि नऊ ग्रॅम चरस हस्तगत केले. डांगी आणि दगडे यांच्या ताब्यातून १२ किलो ४३४ ग्रॅम गांजा इलेक्ट्रॉनिक छोटा वजनकाटा, गांजा पॅकिंग मशिन व रोख रक्कम हस्तगत केली. समीर शेख आणि कवडे यांच्या खोलीतून एक किलो ४२८ ग्रॅम गांजा आणि नऊ ग्रॅम चरस हस्तगत केला.

---------------------------

शिवीगाळीचा जाब विचारल्याने मारहाण

लोकमत न्यूज नेटवर्क

पिंपरी : शिवीगाळीचा जाब विचारल्याच्या कारणावरून दगडाने व हाताने मारहाण केली. गांधीनगर, पिंपरी येथे शुक्रवारी सायंकाळी ही घटना घडली. इस्तियाक शेख (वय २०) आणि ऐसाम शेख (वय २५, दोघेही रा. गांधीनगर झोपडपट्टी, पिंपरी) अशी गुन्हा दाखल झालेल्या आरोपींची नावे आहेत. मोहम्मद गुलाम कादीर (वय ३१, रा. गांधीनगर, पिंपरी) यांनी पिंपरी पोलीस ठाण्यात फिर्याद दिली आहे.

आरोपी हे फिर्यादी यांच्या मेहुणीला शिवीगाळ करीत होते. फिर्यादीने विचारणा केली. त्यामुळे फिर्यादी यांना शिवीगाळ करून दगडाने डोक्यामध्ये मारून जखमी केले.

-----------