लोणीकंदचे पोलीस उपनिरीक्षक कर्तव्यावरून झाले बेपत्ता

बेपत्ता झाल्याने पोलीस दलात एकच खळबळ उडाली असून पोलिसांत वेगवेगळ्या चर्चांना उधाण आले आहे.

वाघोली - लोणीकंद येथे पोलीस उपनिरीक्षक म्हणून रुजू असलेले राहुल कोळपे यांनी स्वतःच्या मोबाईल स्टेटसवर "माझ्याशी पुढील काही दिवस संपर्क साधू नका" असे स्टेटस ठेऊन  लोणीकंद पोलीस ठाण्याती कालपासून बेपत्ता झाल्याने पोलीस दलात खळबळ उडाली आहे. शुक्रवारी वाघोली येथील जामा मज्जिदला बंदोबस्त साठी हजर आहे वरिष्ठांना सांगितले. त्यानंतर दुपारी हा प्रकार उघडकीस आला आहे.

राहुल खंडू कोळपे (वय ३५,वर्षे)असे बेपत्ता झालेल्या अधिकाऱ्याचे नाव आहे. त्यांच्या बेपत्ता झाल्याने पोलीस दलात एकच खळबळ उडाली असून पोलिसांत वेगवेगळ्या चर्चांना उधाण आले आहे. त्यांच्या पत्नीने लोणीकंद पोलिसात बेपत्ता झाल्याची तक्रार नोंदवली आहे.