अजिंक्य चषक क्रिकेट स्पर्धेत प्रतीक एलेव्हन विजयी

के.के. घुले विद्यालयाच्या पटांगणावर दि. १७ मार्चपासून ही स्पर्धा सुरू झाली. एकूण ४० संघांनी या स्पर्धेत भाग घेतला. कोरोनाच्या पार्श्वभूमीवर आवश्यक ती काळजी घेऊनच ही स्पर्धा घेण्यात आल्याचे संयोजकांनी सांगितले. प्रथम क्रमांक प्रतीक इलेव्हन संघाने मिळवून अजिंक्य चषक तसेच ६० हजार रुपयांचे बक्षीस पटकावले. दुसरा क्रमांक आण्णा इलेव्हन, तृतीय अक्षय घुले युवा मंच, चौथा क्रमांक टिंगरे सरकार तर पाचवा क्रमांक प्रतिक घुले युवा मंच या संघांनी मिळवला. या सर्व संघांना ट्रॉफी तसेच रोख रकमेचे बक्षीस देऊन गौरविण्यात आले. एकूण ५ दिवस चाललेल्या या स्पर्धेच्या रविवारी झालेल्या बक्षीस समारंभास, राष्ट्रवादी काँग्रेसचे उपाध्यक्ष सुरेश घुले, सरचिटणीस अजित दत्तात्रय घुले, नीलेश सर, अतुल वसंत घुले, बालाजी अंकुश राव, नीलेश टकले, अक्षय बंटी घुले, आशिष राऊत आदी मान्यवर प्रमुख पाहुणे म्हणून उपस्थित होते.

फोटोओळ : अजिंक्य चषक क्रिकेट स्पर्धेतील विजयी संघांचा सत्कार.