मागणी वाढल्याने पेरु, बोरे, लिंबू, कलिंगडाचे दर वाढले

पुणे : मार्केट यार्डातील फळ विभागात रविवारी पेरु, बोरे, लिंबू, कलिंगड आणि खरबुजाच्या दरात १० ते २० टक्क्यांनी वाढ झाली आहे. पपई, डाळींब, चिक्कू, अननस, स्ट्रॉबेरी, संत्रा, मोसंबी आणि द्राक्षांचे दर मात्र स्थिर असल्याची माहिती व्यापाऱ्यांनी दिली.

रविवारी मार्केट यार्डात फळबाजारात केरळ येथून अननस ७ ट्रक, मोसंबी १५ टन, संत्री ४० ते ५० टन, डाळिंब १० ते १५ टन, पपई १५ ते २० टेम्पो, लिंबे दीड ते दोन हजार गोणी, पेरू ५० ते १०० के्रट, चिक्कू २ हजार गोणी, खरबुजाची १० ते १५ टेम्पो, बोरे ५० ते ६० गोणी, स्ट्रॉबेरी १० ते १२ टन, द्राक्षे २० ते २५ टन इतकी आवक झाली.

फळांचे दर पुढीलप्रमाणे :- लिंबे (प्रतिगोणी) : ५००-८००, अननस (डझन) : ७०-२७०, मोसंबी : (३ डझन) ३००-४५०, (४ डझन) : १३०-२५०, संत्रा : (१० किलो) : २५०-७५०, डाळिंब (प्रति किलोस) : भगवा : १००-२५०, गणेश : २०-८०, आरक्ता ६०-१००. कलिंगड: ८-१०, खरबूज : १५-२२, पपई : ५-१२, चिक्कू ( १० किलो) १५०-५००, पेरू (२० किलो): ३००-६००, बोरे (१० किलो) चमेली : २५०-२७०, उमराण : ६०-७०, चेकनट : ७५०, स्ट्रॉबेरी (दोन किलो) ५०-२००.

---

गणेश जयंती, शिवजयंतीमुळे फुलांना मागणी

गणेश जयंती व शिवजयंतीमुळे फुलांची आवक वाढली आहे़. सुट्ट्या फुलांच्या दरामध्येही वाढ झाली आहे. गणेश जयंतीच्या पार्श्वभूमीवर कोकणातून मागणी फुलांना मोठ्या प्रमाणात मागणी वाढली आहे़. ‘व्हॅलेंटाइन्स डे’मुळे शोभिवंत फुलांना वाढलेली मागणीही कायम असल्याची माहिती व्यापाऱ्यांनी दिली.