पुरस्काराची रक्कम दिली उपाचारासाठी

चंदननगर : श्री शिवछत्रपती राज्य क्रीडा जीवन गौरव पुरस्कार विजेते पंढरीनाथ तथा अण्णासाहेब पठारे यांचा वाढदिवस विविध समाजोपयोगी कार्यक्रम राबवून साजरा केला. वाढदिवसाचा अनावश्यक खर्च टाळून त्यांना राज्यसरकारकडून पुरस्कार म्हणून मिळालेले तीन लाख रुपये व स्वतःकडील एक लाख रुपये असा एकूण चार लाख रुपयाचा धनादेश त्यांनी रुस्तम ए हिंद केसरी कै. पहिलवान हरिश्चंद्र बिराजदार यांच्या पत्नी श्रीमती आशा हरिश्चंद्र बिराजदार यांना वैद्यकीय उपचारार्थ सुपूर्त केला.

याप्रसंगी त्यांनी पै हरिश्चंद्र बिराजदार यांच्या आठवणींना उजाळा दिला. या कार्यक्रमप्रसंगी पंढरीनाथ पठारे, माजी आमदार बापू पठारे, काका पवार, योगेश दोडके, नगरसेवक महेंद्र पठारे, भैय्यासाहेब जाधव, सुमन पठारे, संजिला पठारे, महादेव पठारे, नाना नलावडे, नारायण गलांडे, सुभाष उमाप, खराडी ग्रामस्थ, पदाधिकारी उपस्थित होते. नगरसेवक महेंद्र पठारे यांनी आभार मानले.

फोटो ओळ : हिंद केसरी हरिश्चंद्र बिराजदार यांच्या पत्नी आशा बिराजदार यांच्या वैद्यकीय उपचारासाठी पुरस्काराची चार लाखांची रक्कम पंढरीनाथ पठारे यांच्याहस्ते धनादेश देताना मान्यवर.